ثقافت
2 منٹ پڑھنے
صدر ایردوان: قومی زبان کا تحفظ، اپنے مستقبل کو تحفظ دلانے کا مفہوم رکھتا ہے
ہماری ترکی زبان قوم کے لیے صرف مفاہمت کا وسیلہ نہیں، بلکہ ہماری تاریخ، ہماری ثقافت، ہماری تہذیب و تمدن اثاثے اور مشترکہ یادداشت کی بدیہی ہے۔
صدر ایردوان: قومی زبان کا تحفظ، اپنے مستقبل کو تحفظ دلانے کا مفہوم رکھتا ہے
جمہوریہ ترکیہ کے صدر رجب طیب ایردوان
 

صدر رجب طیب ایردوان نے 26 ستمبر ترکی زبان کے دن کے موقع پر ایک پیغام جاری کیا۔

 ایردوان نے کہا کہ ترکی زبان قوم کے لیے محض ایک رابطے کا ذریعہ نہیں بلکہ یہ تاریخ، ثقافت، تمدنی ذخیرے اور مشترکہ یادداشت کی حامل بھی ہے۔

ترکی زبان کے ہزاروں سالہ قدیم ماضی سے چلے آنے والے سرمائے کے حامل ہونے پر زور دیتے ہوئے صدر ایردوان نے اپنے پیغام میں درج ذیل نکات کا ذکر کیا؛

ہماری ترکی زبان قوم کے لیے صرف مفاہمت کا وسیلہ نہیں، بلکہ ہماری تاریخ، ہماری ثقافت، ہماری تہذیب و تمدن اثاثے اور مشترکہ یادداشت کی بدیہی ہے۔ ہماری مادری زبان ہزاروں سالہ ہمارے قدیم  ماضی سے چن کر آئی ہوئی ایک عظیم تمدنی سرمائے سے مالا مال  ہے۔ صدیوں تک مختلف خطوں میں اور مختلف اقوام کے ساتھ رابطے سے مالا مال ہوئی ہماری زبان شاعری سے ادب تک، سائنس سے فن تک ہماری زندگی کے ہر شعبے میں قوم کے جذبات اور خیالات کی ترجمان رہی ہے۔

26 ستمبر ترکی زبان کے دن کے مناسبت سے ہماری ذمہ داری یہ ہے کہ ہم ترکی زبان کو ماضی سے ملنے والی عظیم میراث کی امانت کے طور پر محفوظ رکھیں، اسے مزید نکھاریں اور آنے والی نسلوں تک مضبوط انداز میں پہنچائیں۔

"اپنی زبان کی حفاظت کرنے والی قوم اپنی تاریخ اور مستقبل کی بھی محافظ ہوتی ہے"

جب ہم 'ترکیہ صدی' کی تعمیر کر رہے ہیں تو اپنی زبان، ثقافت اور تمدنی اقدار کا تحفظ کرنا اور عالمی دنیا میں اپنے الفاظ، اپنے تصورات اور اپنے تمدنی نکتہ نظر کے ساتھ حصہ ڈالنا انتہائی اہمیت کا حامل ہے۔ ترکی زبان کے درست، خوبصورت اور با شعور  استعمال کو عام کرنا، اور بچوں و نوجوانوں میں زبان کے ساتھ محبت کو مضبوط کرنا ہم سب کی مشترکہ ذمہ داری ہے۔ یاد رکھیں کہ جو قوم اپنی زبان کی حفاظت کرتی ہے وہ اپنی تاریخ اور اپنے مستقبل کی بھی حفاظت کرتی ہے۔

ان خیالات کے ساتھ، میں دعا گو  ہوں کہ ترکی زبان کا دن ہماری زبان کو مزید مالا مال کرے اور عالمی سطح پر اس کی مضبوط موجودگی کو فروغ دے، اور میں ترکی زبان کی ترقی اور بقا کے لیے کام کرنے والے تمام زبان و ثقافت کے  عالمین کی مغفرت کا دعا گو ہوں ۔ 26 ستمبر ترکی زبان کا دن مبارک ہو۔

 

دریافت کیجیے
میں خود کو احمق محسوس کر رہا ہوں: مسک
ترکیہ کا تحقیقاتی بحری جہاز ’’اورچ رئیس‘‘ پاکستان روانہ گیا
دفاعی معاہدے کا مقصد ترکیہ اور قطر کی خودمختاری کا تحفظ کرنا ہے: ترکیہ وزارتِ دفاع
یورپی یونین کمیشن پر سائبر حملہ
ایران: ہم نے کویت میں امریکی پیٹریاٹ فضائی دفاعی نظام کو نشانہ بنایا ہے
ترکیہ: "کوپ 31 انطالیہ۔غزہ موسمیاتی راہداری" قائم کی جائے
مغربی کنارے میں غیر قانونی یہودی بستیوں کے معاملے پر آسٹریلیا کی اسرائیلی شہریوں پر پابندیاں
امریکہ کے ایران کے جزیرہ قشم پر متعدد حملے
روس:یوکرین نے ایک بار پھر کریمیا پل کو نشانہ بنایا ہے
امریکہ: ٹرمپ کے ایک تہائی سے زیادہ حامیوں نے ووٹ نہیں دیا
وزیر خارجہ حاقان فیدان: ترکیہ کے مرکزی کردار کو ہر کوئی قدر کی نگاہ سے دیکھتا ہے
ٹرمپ، ایران کے ساتھ جنگ کو لمبا نہیں ہونے دیں گے: وینس
امریکی انٹیلی جنس کا دعویٰ: ایران واشنگٹن میں ’ڈرٹی بم‘ حملے کی منصوبہ بندی کر رہا ہے
اسپین: لاکھوں کی شرکت سے ملک گیر ہڑتال
یورپی یونین کی اعلیٰ نمائندہ کایا کالاس نے روس کے مذاکراتی مطالبات کو ’’بے معنی‘‘ قرار دے دیا