سیاست
3 منٹ پڑھنے
امریکی سیکرٹری خزانہ: ایرانی اقوام متحدہ وفد کیسے اپنے ملک کو لوٹے گا
اسکاٹ بیسنٹ کا کہنا ہے کہ امریکی پابندیوں نے ایران کی بین الاقوامی پروازوں میں 90% تک کی رکاوٹ پیدا کی ہے کیونکہ واشنگٹن ٹہران کو معاشی طور پر تنہا کرنے کی اپنی مہم کو وسعت دے رہا ہے۔
امریکی سیکرٹری خزانہ: ایرانی اقوام متحدہ وفد کیسے اپنے ملک کو لوٹے گا
وزیر خزانہ سکاٹ بیسینٹ وائٹ ہاؤس کے اوول آفس میں صدر ڈونلڈ ٹرمپ کے ہمراہ ایک تقریب کے دوران گفتگو کرتے ہوئے، 2 فروری 2026ء [فائل]۔ / AP
 

امریکی وزیر خزانہ اسکاٹ بیسنٹ نے کہا کہ وہ سوچ رہے تھے کہ نیو یارک میں اقوام متحدہ کی جنرل اسمبلی میں شرکت کرنے والی ایرانی وفد کس طرح وطن واپس لوٹے گا کیونکہ امریکی پابندیوں نے ملک کی بین الاقوامی فضائی سرگرمیوں کو محدود کر رکھا ہے۔

انہوں نے بدھ کو کہا کہ "آپریشن اکنامک آؤٹکاسٹ کے حوالے سے، ہم نے ایرانیوں پر اس طرح دبا رکھا ہے جیسا انہوں نے آج تک نہیں دیکھا۔"

انہوں نے کہا کہ یہ مہم ایران کے بین الاقوامی ہوائی رابطوں کو متاثر کر رہی ہے اور دعویٰ کیا کہ ایران سے بیرونی پروازوں کا 80 سے 90 فیصد سے زائد بند ہو چکا ہے۔

بیسنٹ نے ایران کی حمایت کرنے والے مالی اداروں، کمپنیوں اور دیگر کاروباروں کو بھی خبردار کیا کہ واشنگٹن ان کی سرگرمیوں اور بینک اکاؤنٹس کو نشانہ بنائے گا۔

انہوں نے کہا  کہ"ہم نے دنیا بھر میں یہ بات واضح کر دی ہے، چاہے وہ سرمایہ کار ہوں، کاروبار کرنے والے ہوں یا ایرانیوں کو سپلائی کرنے والے، ہم جانتے ہیں کہ آپ کون ہیں، آپ بھی جانتے ہیں کہ آپ کون ہیں۔"

مالی شعبے کا گلا گھونٹنا

انہوں نے امریکی حکمتِ عملی کو فوجی کارروائی، بحری محاصرہ اور مالی دباؤ کے امتزاج کے طور پر بیان کیا۔

انہوں نے کہا"ہم نےچھ ہفتوں تک متحرک عسکری کارروائی کی۔ ہم نے  محاصرہ کیا۔ اور اب ایک ایسی کوشش ہے جو پہلے کبھی نہیں دیکھی گئی، جس کا مقصد ان کے لیے مالی شعبوں کو محدود اور منقطع کرنا ہے۔"

انہوں نے کہا کہ واشنگٹن کی دباؤ مہم ہفتوں یا مہینوں تک جاری رہ سکتی ہے، اور کہا کہ امریکہ تین ممکنہ نتائج میں سے کسی ایک کی کوشش کر رہا ہے: ایرانی قیادت کے اندر انتشار، ایرانی عوام کی طرف سے بغاوت، یا ایسا معاہدہ جس کے تحت تہران اپنی ذمہ داریوں پر عمل کرے۔

بیسنٹ نے یہ بھی کہا کہ امریکہ نے سال کے آغاز میں ایران کے ساتھ ایک معاہدے تک پہنچنے کی کوشش کی تھی لیکن بعد ازاں تہران پر آبنائے ہرمز میں حملوں کو بڑھانے کا الزام لگایا۔

انہوں نے کہا"اگر کوئی معاہدہ ہوا تو میں آپ کو یقین دلاتا ہوں وہ اس پر قائم رہیں گے۔"

امریکہ نے اگست میں 'آپریشن اکنامک آؤٹکاسٹ' شروع کیا، جو ایران کو معاشی طور پر الگ کرنے اور ان کمپنیوں، مالی اداروں اور دیگر اداروں کو نشانہ بنانے کی ایک وسیع مہم ہے جو تہران کو امریکی پابندیوں سے بچنے میں مدد دے رہے ہیں۔

محکمۂ خزانہ نے تب سے اس مہم کو ایران کی فضائی نیٹ ورکس، مالی اداروں اور کرپٹو کرنسی سے متعلق انفراسٹرکچر کو بھی ہدف بنانے کے لیے وسعت دی ہے۔

 

دریافت کیجیے
میں خود کو احمق محسوس کر رہا ہوں: مسک
ترکیہ کا تحقیقاتی بحری جہاز ’’اورچ رئیس‘‘ پاکستان روانہ گیا
دفاعی معاہدے کا مقصد ترکیہ اور قطر کی خودمختاری کا تحفظ کرنا ہے: ترکیہ وزارتِ دفاع
یورپی یونین کمیشن پر سائبر حملہ
ایران: ہم نے کویت میں امریکی پیٹریاٹ فضائی دفاعی نظام کو نشانہ بنایا ہے
ترکیہ: "کوپ 31 انطالیہ۔غزہ موسمیاتی راہداری" قائم کی جائے
مغربی کنارے میں غیر قانونی یہودی بستیوں کے معاملے پر آسٹریلیا کی اسرائیلی شہریوں پر پابندیاں
امریکہ کے ایران کے جزیرہ قشم پر متعدد حملے
روس:یوکرین نے ایک بار پھر کریمیا پل کو نشانہ بنایا ہے
امریکہ: ٹرمپ کے ایک تہائی سے زیادہ حامیوں نے ووٹ نہیں دیا
وزیر خارجہ حاقان فیدان: ترکیہ کے مرکزی کردار کو ہر کوئی قدر کی نگاہ سے دیکھتا ہے
ٹرمپ، ایران کے ساتھ جنگ کو لمبا نہیں ہونے دیں گے: وینس
امریکی انٹیلی جنس کا دعویٰ: ایران واشنگٹن میں ’ڈرٹی بم‘ حملے کی منصوبہ بندی کر رہا ہے
اسپین: لاکھوں کی شرکت سے ملک گیر ہڑتال
یورپی یونین کی اعلیٰ نمائندہ کایا کالاس نے روس کے مذاکراتی مطالبات کو ’’بے معنی‘‘ قرار دے دیا