مشرق وسطی
3 منٹ پڑھنے
حماس فی الوقت معاہدے پر کاربند ہے:امریکہ
ایک سینئر امریکی عہدیدار نے کہا ہے کہ واشنگٹن کو یقین نہیں ہے کہ حماس نے یرغمالیوں کی باقیات کو سنبھالنے کے حوالے سے غزہ میں جنگ بندی کے معاہدے کی خلاف ورزی کی ہے
حماس فی الوقت معاہدے پر کاربند ہے:امریکہ
حماس-امریکہ / Reuters
 

ایک سینئر امریکی عہدیدار نے کہا ہے کہ واشنگٹن کو یقین نہیں ہے کہ حماس نے یرغمالیوں کی باقیات کو سنبھالنے کے حوالے سے غزہ میں جنگ بندی کے معاہدے کی خلاف ورزی کی ہے اور اس بات کی تصدیق کی ہے کہ غزہ کے لیے ایک بین الاقوامی استحکام فورس کی تشکیل شروع ہو چکی ہے۔

عہدیدار نے کہا  کہ ہم نہیں سمجھتے کہ حماس نے اب تک یرغمالیوں کی لاشوں کے حوالے سے معاہدے کی خلاف ورزی کی ہے۔

 انہوں نے مزید کہا کہ امریکہ غزہ معاہدے کے اگلے مرحلے میں داخل ہوگیا ہے۔

انہوں نے کہا کہ اقوام متحدہ کے ساتھ "بہت مثبت بات چیت" ہو رہی ہے تاکہ اس بات کو یقینی بنایا جا سکے کہ انسانی امداد مؤثر طریقے سے شہریوں تک پہنچے جبکہ غزہ میں نظم و ضبط برقرار رکھنے کے لیے ایک استحکام فورس کے قیام کے لیے کام شروع کر دیا گیا ہے۔

عہدیدار نے مزید کہا کہ غزہ میں دو سال کی جنگ کے بعد صورتحال انتہائی حساس ہے۔

انہوں نے کہا کہ ہم غزہ میں تخفیف اسلحہ کے لیے حالات پیدا کرنے کے لیے دونوں فریقوں کے ساتھ مل کر کام جاری رکھنے کا ارادہ رکھتے ہیں۔ ہماری  ترجیحات میں  تنازع کا خاتمہ، انسانی بنیادوں پر امداد کی فراہمی اور باقی یرغمالیوں کی لاشوں کو بازیاب کرانا ہے۔

ایکسیوس کی رپورٹ کے مطابق ، یہ تبصرے اسرائیلی انٹیلی جنس کے واشنگٹن کے ساتھ شیئر کیے گئے دعووں کے بعد سامنے آئے ہیں کہ حماس کو اب بھی اسرائیلی یرغمالیوں کی لاشوں تک رسائی حاصل ہے۔

خبر رساں ادارے نے دو اسرائیلی حکام اور ایک امریکی عہدیدار کا حوالہ دیتے ہوئے کہا ہے کہ اسرائیل نے امریکہ کو بتایا ہے کہ غزہ کا معاہدہ اس وقت تک آگے نہیں بڑھ سکتا جب تک حماس لاشوں کی بازیابی کے لیے مزید کوششیں نہیں کرتی۔

تاہم حماس کا کہنا ہے کہ اس نے تمام باقیات حوالے کر دی ہیں اور ملبے تلے دبے ہوئے دیگر افراد تک پہنچنے کے لیے اُسے  خصوصی آلات کی ضرورت ہوگی۔

اس کی مسلح  شاخ القسام بریگیڈ نے کہا کہ ہم نے  تمام زندہ اسرائیلی قیدیوں اور لاشوں کو حوالے کرکے اپنا وعدہ پورا کیا ہے  ،جہاں تک باقی لاشوں کا تعلق ہے ان کی بازیابی کے لئے خصوصی سامان کی ضرورت ہے۔ ہم اس  معاملے کو منطقی انجام تک پہنچانے کے لیے  بہت کوشش کر رہے ہیں۔

اسرائیلی فوج نے اس بات کی تصدیق کی ہے کہ یرغمالیوں کی لاشوں پر مشتمل مزید دو تابوت بدھ کی رات غزہ میں ریڈ کراس کے حوالے کر دیے گئے ہیں۔

 یہ بیان ایک ایسے وقت میں سامنے آیا ہے جب امریکی صدر ڈونلڈ ٹرمپ نے کہا ہے کہ حماس ہلاک ہونے والے اسرائیلی یرغمالیوں کی باقیات کی تلاش جاری رکھے ہوئے  ہے ۔

ٹرمپ نے کہا کہ حماس جنگ بندی معاہدے کی شرائط کے تحت لاشوں کی تلاش کر رہی ہے، اسرائیلی بمباری سے تباہ ہونے والی عمارتوں کے ملبے اور غزہ کے نیچے سرنگوں میں کھدائی کر رہی ہے۔

 حماس  ایسے علاقے  میں وہ کھدائی کر رہے ہیں  جہاں سے انہیں بہت ساری لاشیں مل رہی ہیں۔

انہوں نے اس بات کا اعادہ کیا کہ حماس کو جنگ بندی کے معاہدے کے تحت غیر مسلح ہونا چاہئے ۔

 

دریافت کیجیے
آبنائے ہرمز میں ایک آئل ٹینکر سمندری بارودی سرنگ سے ٹکرا کر آگ کی لپیٹ میں آ گیا
ہرمز سے بلا اجازت جو جہاز گزرا ہماری زد میں ہوگا: پاسداران انقلاب
ہسپتالوں پر حملے جرم ہیں:غزہ وزارت صحت
امریکہ کسی مغالطے میں نہ رہے، اسے بھی نشانہ بنا سکتے ہیں:ایران
دعوی جھوٹا اور مذاکرات ٹرمپ کی خام خیالی ہے :ایران
امریکہ نے حملہ کیا تو اس کی تنصیبات بھی نہیں بچیں گی:ایران
ٹرمپ کے فیصلے نے مجھ پر بجلی گرا دی ہے:اسحاق ہرزوگ
حوثیوں کی مدینہ منورہ پر میزائل حملے کی کوشش
عرب نمائندوں نے گادی آئزنکوٹ کی حمایت کر دی
نیتین یاہو کے ساتھ مخلوط حکومت کےقیام کا ارادہ معدوم ہے: یائر لاپید
سینکڑوں حوثی ملیشیاوں کو غیر فعال کر دیا ہے:یمنی فوج
ایران میں مظاہرہ "ٹرمپ کو قتل کر دیں گے"  کا بینر آویزاں
سعودی وزیر دفاع کا امریکی ہم منصب سے رابطہ
حملہ ہوا تو جواب زیادہ شدید ہوگا:ایرانی جرنیل
ایرانی فوج: "امریکہ کی جانب سے کسی نئی جارحیت کی صورت میں جنگ صرف خطے تک محدود نہیں رہے گی۔"
ایران کی باقی تنصیبات 10 منٹ میں تباہ کر سکتے ہیں:ٹرمپ
دشمن نے دوبارہ جارحیت کی تو جواب شدید ہوگا:خامنہ آئی
گاڈی آئزنکوٹ کی لاپید سے ملاقات،اتحادی حکومت بنانے پر غور
نیتن یاہو کے خلاف غداری کا مقدمہ چلایا جائے:ایویگادور لیبرمین
عرب اتحاد، یمن میں حوثیوں کے 5 سرنگ نما گوداموں، 6 لانچنگ پیڈ اور 1میزائل ڈپو کو نشانہ بنایا گیا ہے