ترکیہ کے وزیر خارجہ خاقان فیدان، کل 2 اکتوبر بروز جمعرات، متحدہ عرب امارات کے سرکاری دورے پر روانہ ہو رہے ہیں۔

ترکیہ وزارت خارجہ کے جاری کردہ بیان کے مطابق وزیر خارجہ خاقان فیدان کل متحدہ عرب امارات کا دورہ کریں گے۔ دورے کا مقصد دبئی میں متوقع ملاقاتوں اور  مذاکرات میں غزّہ میں فائر بندی کے ساتھ مضبوط تعاون، شام میں استحکام کی اہمیت اور اسٹریٹجک ساجھے داریوں کی تقویت جیسے موضوعات پر بات چیت کریں گے۔

دورے کے دوران فیدان ترکیہ کی، یو اے ای کے ساتھ کثیر الجہتی تعاون کو مزید فروغ دینے کی، خواہش پر زور دیں گے ۔

فیدان، امریکی صدر ڈونلڈ ٹرمپ کے 29 ستمبر کو اعلان کردہ منصوبے کے بعد سے شروع ہونے والی، غزہ میں جنگ بندی اور امن، کوششوں پر بات چیت کریں گے۔علاوہ ازیں جنگ زدہ ملک شام میں استحکام اور تعمیر نو کے لیے شامی حکومت کی حمایت کی اہمیت پر بھی زور دیں گے۔

ترکیہ اور یو اے ای کے درمیان دو طرفہ تعلقات حالیہ برسوں میں نمایاں بہتری دِکھا رہے ہیں۔

جولائی 2023 میں صدر رجب طیب اردوعان کے یو اے ای کے دورے کے دوران، دونوں ممالک نے اعلیٰ سطحی اسٹریٹجک کونسل (ایچ ایل ایس سی) قائم کرنے پر اتفاق کیا جس سے تعلقات کو اسٹریٹجک شراکت داری کی سطح تک بلند کیا گیا تھا۔