نیا شام
2 منٹ پڑھنے
دمشق کے ضلع ییت جینن پر اسرائیلی حملے میں 13 افراد ہلاک
متعدد خاندانوں کو اسرائیلی حملے کے بعد دمشق کے ارد گرد کے بیت جینن اور قریبی علاقوں میں بے گھر ہونا پڑا۔
دمشق کے ضلع ییت جینن پر اسرائیلی حملے میں 13 افراد ہلاک
اس فائل تصویر میں، 16 جولائی 2025 کو دمشق میں شام کی وزارت دفاع پر اسرائیلی حملوں کے بعد دھواں اٹھ رہا ہے۔ / Reuters
 

شام کے دمشق کے نواح میں واقع شہر بیت جِین اور مزرعَت بیت جِین تک جانے والی سڑک پر جمعہ کی صبح سویرے ہونے والے ایک اسرائیلی حملے میں کم از کم 13 افراد ہلاک اور اتنے ہی زخمی ہو گئے، جن میں خواتین اور بچے بھی شامل ہیں۔

انادولو کے نمائندے نے مقامی ذرائع کے حوالے سے بتایا کہ ہلاک شدگان میں دو خواتین اور دو بچے شامل ہیں۔

سرکاری شامی ٹی وی چینل 'الاخباریہ' نے رپورٹ کیا کہ ضربوں کے بعد اسرائیلی ڈرون علاقے میں خاص طور پر دونوں قصبوں کو جوڑنے والی سڑک کے اطراف پروازیں جاری رکھے ہوئے تھے ۔

اس نے مزید کہا کہ کئی متاثرین ملبے تلے پھنسے ہوئے ہیں اور مقامی رہائشی انہیں نکالنے کی کوششیں کر رہے ہیں۔

شامی عربی نیوز ایجنسی (صنا) کے مطابق، اسرائیلی حملے کے بعد سول ڈیفنس کی ٹیموں اور دمشق کے نواحی صحت ڈائریکٹوریٹ کی دو ایمبولینسیں لاشیں منتقل کرنے اور زخمیوں کا علاج کرنے کے لیے علاقے کو گئی  ہیں

'الاخبارية' نے بتایا کہ حملے کے بعد درجنوں خاندان بیت جین سے قریبی محفوظ علاقوں کی طرف فرار ہو گئے۔

اس سے پہلے چینل نے اطلاع دی تھی کہ ایک اسرائیلی گشتی دستہ شہر میں داخل ہوا اور کچھ دیر کے لیے مقامی رہائشیوں سے جھڑپیں ہوئیں، پھر وہ واپس چلا گیا۔

اسرائیلی فوج نے ایک بیان میں کہا کہ آپریشن کے دوران چھ اسرائیلی فوجی زخمی ہوئے، جن میں سے تین کی حالت تشویشناک بتائی گئی۔

اس نے دعویٰ کیا کہ اس نے 'جماعة اسلامیہ' کے ارکان کو گرفتار کیا ہے اور الزام عائد کیا کہ وہ 'جنوبی شام کے بیت جین کے علاقے میں کارروائی کرتے تھے اور اسرائیلی شہریوں کے خلاف حملے انجام دیتے تھے'۔

اسرائیلی حملے اور اس دعوے پر شامی حکام کی طرف سے کوئی تبصرہ سامنے نہیں آیا۔

اسرائیلی فوج نے نومبر میں جنوبی شام میں 47 حملے کیے ہیں۔

سرکاری اعداد و شمار کے مطابق، دسمبر 2024 سے اسرائیلی فوج نے شام میں ایک ہزار سے زائد ہوائی حملے اور جنوبی صوبوں میں 400 سے زائد سرحد پار چھاپے مارے۔

دریافت کیجیے
میں خود کو احمق محسوس کر رہا ہوں: مسک
ترکیہ کا تحقیقاتی بحری جہاز ’’اورچ رئیس‘‘ پاکستان روانہ گیا
دفاعی معاہدے کا مقصد ترکیہ اور قطر کی خودمختاری کا تحفظ کرنا ہے: ترکیہ وزارتِ دفاع
یورپی یونین کمیشن پر سائبر حملہ
ایران: ہم نے کویت میں امریکی پیٹریاٹ فضائی دفاعی نظام کو نشانہ بنایا ہے
ترکیہ: "کوپ 31 انطالیہ۔غزہ موسمیاتی راہداری" قائم کی جائے
مغربی کنارے میں غیر قانونی یہودی بستیوں کے معاملے پر آسٹریلیا کی اسرائیلی شہریوں پر پابندیاں
امریکہ کے ایران کے جزیرہ قشم پر متعدد حملے
روس:یوکرین نے ایک بار پھر کریمیا پل کو نشانہ بنایا ہے
امریکہ: ٹرمپ کے ایک تہائی سے زیادہ حامیوں نے ووٹ نہیں دیا
وزیر خارجہ حاقان فیدان: ترکیہ کے مرکزی کردار کو ہر کوئی قدر کی نگاہ سے دیکھتا ہے
ٹرمپ، ایران کے ساتھ جنگ کو لمبا نہیں ہونے دیں گے: وینس
امریکی انٹیلی جنس کا دعویٰ: ایران واشنگٹن میں ’ڈرٹی بم‘ حملے کی منصوبہ بندی کر رہا ہے
اسپین: لاکھوں کی شرکت سے ملک گیر ہڑتال
یورپی یونین کی اعلیٰ نمائندہ کایا کالاس نے روس کے مذاکراتی مطالبات کو ’’بے معنی‘‘ قرار دے دیا