ہسپانوی فٹ بال اسٹار لیمین یامال  نے بارسلونا کی لالیگا (La Liga) ٹائٹل جیت کی خوشی میں جشن کے دوران فلسطین کے ساتھ اظہارِ یکجہتی کر کے فٹ بال شائقین کی تعریفیں سمیٹی ہیں۔

پیر کے روز سوشل میڈیا پر بڑے پیمانے پر شیئر ہونے والی متعدد ویڈیوز میں 18 سالہ نوجوان کھلاڑی کو ایک کھلی بس کے اوپر سے فلسطینی جھنڈا لہراتے ہوئے دیکھا جا سکتا ہے، جبکہ مداحوں کا پرجوش ہجوم انہیں داد دے رہا ہے۔ ہسپانوی شہر میں نکالی گئی اس چیمپئن پریڈ کے دوران اپنے ہیروز کا استقبال کرنے کے لیے دسیوں ہزار لوگ بارسلونا کی سڑکوں پر اُمڈ آئے۔

بارسلونا نے اتوار کے روز اپنے روایتی حریف ریال میڈرڈ کو 0-2 سے شکست دے کر اپنا 29 واں لالیگا ٹائٹل جیتا۔

 یہ دوسری بار ہے کہ لیگ کے ٹائٹل کا فیصلہ 'ایل کلاسیکو' کے ذریعے ہوا ہے۔

اکتوبر 2023 میں غزہ میں نسل کشی کے آغاز کے بعد سے، بارسلونا فلسطین کے حق میں ہونے والی سرگرمیوں کا ایک بڑا مرکز رہا ہے۔ یہاں باقاعدگی سے بڑے پیمانے پر پرو فلسطین احتجاجی مظاہرے ہوتے رہے ہیں اور یہ شہر غزہ کے محاصرے کو توڑنے کی کوشش کرنے والے امدادی بحری بیڑوں کے روانگی کے مقام کے طور پر بھی استعمال ہوا ہے۔