امریکی صدر ڈونلڈ ٹرمپ نے اعلان کیا ہے کہ ایران کے ساتھ ایک معاہدہ طے پا گیا ہے۔ انہوں نے آبنائے ہرمز کو دوبارہ کھولنے اور امریکی بحری ناکہ بندی ختم کرنے کی اجازت دینے کا بھی اعلان کیا ہے۔

ٹرمپ نے اپنے سوشل میڈیا پلیٹ فارم 'ٹروتھ سوشل' پر ایک پوسٹ میں لکھا کہ "اسلامی جمہوریہ ایران کے ساتھ معاہدہ اب مکمل ہو چکا ہے۔ سب کو مبارک ہو!"

انہوں نے مزید کہا کہ میں اس کے ذریعے آبنائے ہرمز کو بغیر کسی ٹیکس کے کھولنے کی مکمل اجازت دیتا ہوں، اور اس کے ساتھ ہی امریکہ  کی بحری ناکہ بندی کو فوری طور پر ختم کرنے کا حکم دیتا ہوں۔

انہوں نے اپنے بیان میں معاہدے کی مزید تفصیلات یا ان اقدامات پر عمل درآمد کے بارے میں معلومات فراہم نہیں کیں۔

پاکستان کے وزیر اعظم شہباز شریف نے  بھی  آج صبح اعلان کیا کہ طویل اور تفصیلی مذاکرات کے بعد امریکہ اور ایران کے درمیان ایک امن معاہدہ طے پا گیا ہے۔

شہباز شریف نے سوشل میڈیا پلیٹ فارم ایکس پر ایک پوسٹ میں کہا کہ  مذاکرات کے بعد، ہمیں یہ بتاتے ہوئے خوشی ہو رہی ہے کہ  امریکہ اور اسلامی جمہوریہ ایران کے درمیان امن معاہدہ طے پا گیا ہے۔"

انہوں نے مزید کہا کہ "دونوں فریقوں نے لبنان سمیت تمام محاذوں پر فوجی کارروائیاں فوری اور مستقل طور پر بند کرنے کا اعلان کیا ہے۔"

شہباز شریف کے مطابق، اس معاہدے پر دستخط کی سرکاری تقریب 19 جون کو سوئٹزرلینڈ میں ہونا طے پائی ہے۔