فرانس کے قومی نیوز چینل BFMTV کے مطابق، فرانس میں اتوار کی رات گزشتہ سات سالوں کی سب سے گرم رات ریکارڈ کی گئی۔

 توقع ہے کہ آنے والے دنوں میں درجہ حرارت میں مزید اضافہ ہوگا۔

BFMTV کی رپورٹ کے مطابق، رات کے وقت درجہ حرارت جولائی 2019 کی شدید گرمی کی لہر کے بعد سے بلند ترین سطح پر پہنچ گیا، جبکہ ملک کا اوسط درجہ حرارت تقریباً 21.4 ڈگری سینٹی گریڈ ریکارڈ کیا گیا۔

فرانس کے محکمہ موسمیات نے پیرس میں رات کا کم سے کم درجہ حرارت 24.2 ڈگری سینٹی گریڈ ریکارڈ کیا جس نے تقریباً 10 سال کا ریکارڈ توڑ دیا۔

شدید گرمی کا سلسلہ جاری رہنے کا امکان ہے، اور موسم کی پیشگوئی ظاہر کرتی ہے کہ اس ہفتے کے دوران درجہ حرارت مزید بڑھے گا۔

آنے والی راتوں میں درجہ حرارت غیر معمولی طور پر بلند رہنے کی توقع ہے، اور ملک کے کچھ حصوں میں اس کے 23 سے 26 ڈگری سینٹی گریڈ تک پہنچنے کا امکان ہے۔

فرانس کے متعدد علاقوں  کو اپنی لپیٹ میں لینے والی ہیٹ ویو کے باعث، سرخ اور نارنجی  الرٹ کے دائرے میں لے لیا گیا ہے۔

 درجہ حرارت 40 ڈگری سینٹی گریڈ تک بڑھنے کی توقع ہے۔