پاکستان
2 منٹ پڑھنے
روس اور پاکستان توانائی کے شعبے میں تعاون کو بڑھانے کے لیے تیل معاہدے کی تلاش میں
روسی خبر رساں ایجنسی RIA کی خبر کے مطابق پاکستان کے وزیرِ خزانہ محمد اورنگ زیب نے کہا کہ دونوں فریقوں کے توانائی محکموں کے درمیان بات چیت جاری ہے۔
روس اور پاکستان توانائی کے شعبے میں تعاون کو بڑھانے کے لیے تیل معاہدے کی تلاش میں
فائل فوٹو: یوکرین میں اپنی جنگ پر عائد کی گئی وسیع پابندیوں کے بعد روس نے غیر مغربی منڈیوں سے اپنے روابط بڑھا دیے ہیں۔ / AP
 

روس اور پاکستان تیل کے شعبے میں ممکنہ معاہدے پر مذاکرات کر رہے ہیں،  یہ چیز  توانائی کے تعاون کی گہرائی کی نشاندہی کرتا ہے کیونکہ دونوں ممالک اسٹریٹجک اور اقتصادی مفادات کو آگے بڑھانے کی کوشش  میں ہیں۔

روسی خبر رساں ایجنسی RIA کی خبر کے مطابق پاکستان کے وزیرِ خزانہ محمد اورنگ زیب نے کہا کہ دونوں فریقوں کے توانائی محکموں کے درمیان بات چیت جاری ہے۔

انہوں نے کہا کہ پاکستان ان شعبوں میں روس کے ساتھ کام کرنے کا خواہاں ہے جہاں ماسکو کی مضبوط مہارت موجود ہے، جن میں تیل کی تلاش، پیداوار اور ریفائننگ شامل ہیں۔

اورنگ زیب نے کہا"یہ تمام شعبے روس کی  اعلی صلاحیت کے حامل ہیں"، اگر روس اس شعبے میں پاکستان کے ساتھ معاہدے پر رضامند ہو تو ہمیں دلی مسرت  ہو گی۔

روس کی متنوع توانائی رسد کی تلاش

یہ مذاکرات اس وقت ہو رہے ہیں جب روس نے یوکرین پر جنگ کے باعث عائد وسیع پابندیوں کے بعد غیر مغربی منڈیوں تک رسائی تیز کر دی ہے، جبکہ پاکستان متبادل توانائی کی فراہمی تلاش کر رہا ہے اور دائمی توازنِ ادائیگی کے دباؤ کے درمیان درآمدی اخراجات کم کرنے کی کوشش کر رہا ہے۔

پاکستان نے 2023 میں روسی خام تیل کی درآمد شروع کی، جو اس کی توانائی حصول کی حکمتِ عملی میں ایک اہم تبدیلی اور ماسکو کے ساتھ معاشی روابط کے قریب آنے کی طرف ایک قدم تھا۔

تیل کی تجارت سے  بڑھ کر  یہ  تعاون بنیادی ڈھانچے اور ڈاؤن اسٹریم منصوبوں تک بھی پھیل سکتا ہے۔ روسی وزیرِ توانائی سرگئی تسویلیف نے نومبر میں کہا تھا کہ روس نے پاکستان میں ایک ریفائنری کی اپ گریڈیشن پر بات کی ہے، اور متوقع ہے کہ روسی کمپنیاں اس منصوبے میں حصہ لیں گی۔

اورنگ زیب نے یہ بھی کہا کہ دونوں ممالک پاکستان میں ایک اور اسٹیل پلانٹ بنانے کے امکان کا جائزہ لے رہے ہیں، جو توانائی کے شعبے کے علاوہ وسیع صنعتی تعاون کی طرف اشارہ کرتا ہے۔

روایتی طور پر روس اور پاکستان کا رابطہ محدود رہا ہے، مگر حالیہ برسوں میں توانائی، تجارت اور علاقائی رابطوں کے شعبوں میں تعاون میں اضافہ ہوا ہے۔

 

دریافت کیجیے
میں خود کو احمق محسوس کر رہا ہوں: مسک
ترکیہ کا تحقیقاتی بحری جہاز ’’اورچ رئیس‘‘ پاکستان روانہ گیا
دفاعی معاہدے کا مقصد ترکیہ اور قطر کی خودمختاری کا تحفظ کرنا ہے: ترکیہ وزارتِ دفاع
یورپی یونین کمیشن پر سائبر حملہ
ایران: ہم نے کویت میں امریکی پیٹریاٹ فضائی دفاعی نظام کو نشانہ بنایا ہے
ترکیہ: "کوپ 31 انطالیہ۔غزہ موسمیاتی راہداری" قائم کی جائے
مغربی کنارے میں غیر قانونی یہودی بستیوں کے معاملے پر آسٹریلیا کی اسرائیلی شہریوں پر پابندیاں
امریکہ کے ایران کے جزیرہ قشم پر متعدد حملے
روس:یوکرین نے ایک بار پھر کریمیا پل کو نشانہ بنایا ہے
امریکہ: ٹرمپ کے ایک تہائی سے زیادہ حامیوں نے ووٹ نہیں دیا
وزیر خارجہ حاقان فیدان: ترکیہ کے مرکزی کردار کو ہر کوئی قدر کی نگاہ سے دیکھتا ہے
ٹرمپ، ایران کے ساتھ جنگ کو لمبا نہیں ہونے دیں گے: وینس
امریکی انٹیلی جنس کا دعویٰ: ایران واشنگٹن میں ’ڈرٹی بم‘ حملے کی منصوبہ بندی کر رہا ہے
اسپین: لاکھوں کی شرکت سے ملک گیر ہڑتال
یورپی یونین کی اعلیٰ نمائندہ کایا کالاس نے روس کے مذاکراتی مطالبات کو ’’بے معنی‘‘ قرار دے دیا