یوکرین:اوڈیسا پر روسی حملہ،توانائی تنصیب تباہ،بجلی منقطع

توانائی کمپنی DTEK نے کہا ہے کہ ایک روسی حملے نے یوکرین کے جنوبی بحیرہ اسود کے علاقے اوڈیسا میں ایک تنصیب کو نقصان پہنچایا ہے ۔

 DTEK نے کہا ہے کہ  نقصان شدید  ہے جبکہ  ضروری    آلات کی مرمت میں کافی وقت لگے گا ۔

علاقائی گورنر  اولیگ  کیپر نے پہلے کہا تھا کہ خطے کی کچھ بستیوں میں جزوی طور پر بجلی منقطع ہو گئی تھی۔

کیپر نے ٹیلیگرام پر لکھا  کہ رات کے دوران دشمن نے اودیسا  کے توانائی انفراسٹرکچر پر ایک اور  وحشیانہ حملہ کیا ہے  ،اہم بنیادی ڈھانچے کی سہولتیں جنریٹرز پر چل رہی ہیں اور بجلی کی فراہمی بحال کرنے کا کام جاری ہے۔

موسکو نے اکتوبر سے یوکرینی پاور گرڈ اور دیگر توانائی کی تنصیبات  پر اپنے حملے تیز کر دیے ہیں، جس کے نتیجے میں سرد موسم میں لاکھوں لوگ بغیر  بجلی اور گیس سے محروم ہو گئے ہیں۔