ایک یورپی یونین عہدیدار نے کہا ہے کہ تل ابیب۔تہران کشیدگی کے دوران، ایران سے یورپی شہریوں کے انخلا میں، ترکیہ نے یورپی یونین کی مدد کی ہے۔

یورپی امورِ خارجہ سروس 'ای ای اے ایس' کے کرائسس رسپانس سینٹر کے سربراہ  'کرسچین برگر' نے زمینی راستوں کو ہموار بنانے اور آگے کے سفر کو ممکن بنانے میں ترکیہ کے کردار کی تعریف کی ہے ۔

برگر نے برسلز میں صحافیوں سے بات چیت کے دوران کہا ہے کہ  "ہمیں، یورپی شہریوں کو باآسانی سرحد پار کروانے اور ملک کے مشرقی حصّے سے بین الاقوامی ہوائی اڈّے تک پہنچانے  میں، ترک حکام کی جانب سے زبردست تعاون ملا ہے "۔

انہوں نے کہا ہے کہ تہران میں یورپی یونین کے وفد کی عدم  موجودگی کی وجہ سے یورپی یونین کو علاقے میں  درپیش مشکلات کی طرف اشارہ کیا اور کہا ہے کہ"ہم ایران میں تھوڑے سے محدود ہیں کیونکہ تہران میں ہمارا کوئی وفد موجود نہیں ہے۔"

کرسٹیئن برگر نے انخلاء کرنے والوں کی تعداد بتائے بغیر  کہا ہے کہ گذشتہ تین دنوں میں، کئی انخلاء قافلے کامیابی سے ترکیہ، آذربائیجان، آرمینیااور ترکمانستان کی سرحدوں کو عبور کر چکے ہیں" ۔