لبنانی سرکاری نیوز ایجنسی نے اطلاع دی ہے کہ جنگ بندی کے باوجود اتوار کی شام اسرائیلی ڈرون حملے میں مشرقی لبنانی قصبے مجدل عنجر میں ایک گاڑی کو نشانہ بنانے سے کم از کم چار افراد ہلاک ہو گئے۔

ایجنسی نے بتایا کہ اسرائیلی ڈرون نے لبنان–شام سرحد کے ساتھ الماسنا سرحدی گزرگاہ اور گاؤں جدیدہ یابوس کے درمیان ایک گاڑی کو نشانہ بنایا، جس کے نتیجے میں ہلاکتیں ہوئیں ۔

ایجنسی نے مزید کہا کہ قریبی دیہات میں چار زور دار دھماکوں کی آوازیں  بھی سنی گئی ہیں۔

یہ حملے نومبر 2024 میں طے پانے والے جنگ بندی معاہدے کی بار بار خلاف ورزیوں کے درمیان سامنے آئے ہیں۔

اسرائیل اکتوبر 2023 میں شروع ہونے والی تازہ ترین جنگ کے دوران پانچ لبنانی پہاڑی مقامات پر قابض ہو چکا ہے ، اس کے علاوہ وہ دیگر لبنانی علاقوں پر بھی قابض ہے جن پر اسے دہائیوں سے کنٹرول حاصل ہے۔

ان کارروائیوں میں لبنان میں 4,000 سے زائد افراد ہلاک اور 17,000 زخمی ہو چکے ہیں۔