شمالی لبنان کے شہر طرابلس میں ایک قدیم رہائشی عمارت کے منہدم ہونے سے ہلاکتوں کی تعداد نو تک پہنچ گئی ہے۔
یہ پانچ منزلہ عمارت اتوار کے روز طرابلس کے باب التبانہ محلے میں گر گئی۔ جائے حادثہ پر امدادی کارروائیاں جاری ہیں۔
لبنانی سول ڈیفنس کے ڈائریکٹر جنرل عماد خریخ نے صحافیوں کو بتایا کہ ملبےتلے سے 15 افراد نکالے گئے ہیں، جن میں سے چھ زندہ ہیں۔
انادولو ایجنسی کی حاصل کردہ معلومات کے مطابق ریسکیو ٹیمیں اب بھی تقریباً آٹھ ایسے افراد تک پہنچنے کی کوشش کر رہی ہیں جن کے ملبے تلے پھنسے ہونے کا شبہ ہے۔
طرابلس کے میئر عبد الحمید کریمے نے اس سے قبل اعلان کیا تھا کہ انہدام میں چھ افراد ہلاک اور سات ر زخمی ہوئے ہیں۔
