بین الاقوامی تنظیم برائے ہجرت نے کہا ہے کہ بڑھتی ہوئی بدامنی کے باعث گزشتہ تین دنوں میں سوڈان کے جنوبی حصے میں واقع جنوبی اور شمالی کورڈوفان ریاستوں سے 4,000 سے زائد شہری فرار ہو گئے ہیں۔

بیان میں اقوامِ متحدہ ایجنسی نے اطلاع دیہے کہ 27 تا 29 دسمبر جنوبی کوردوفان کے علاقے الا-کوییک سے 1,500 تا 2,500 افراد، جبکہ  اسی ریاست کے علاقوں کدوگلی سے 375 اور ڈِلنگ سے 495 افراد بے گھر ہوئے۔

بین الاقوامی تنظیم برائے ہجرت نے کہا ہے کہ یہ بے گھر افراد شمالی کوردوفان، جنوبی کوردوفان اور وائٹ نائل ریاستوں کے مختلف مقامات کی جانب منتقل ہوئے۔

شمالی کوردوفان میں، تنظیم نے جبرات ال-شیخ کے علاقے کی دیہات اَم تغیرات اور ال-مرخہ سے 1,020 افراد کے بے گھر ہونے کا ریکارڈ کیا، اور بتایا کہ امن و امان کی بگڑتی ہوئی صورتحال کے باعث وہ لوگ  دارالحکومت خرطوم کے مغرب میں واقع امدرمان کی طرف فرار ہو گئے ہیں۔

اتوار کو IOM نے ان دونوں ریاستوں سے اسی وجہ سے 1,290 افراد کے بے گھر ہونے کا اعلان کیا تھا۔

کوردوفان کی تینوں ریاستیں — شمالی، مغربی اور جنوبی — فوج اور نیم عسکری تنظیم ریپڈ سپورٹ فورسز (RSF) کے درمیان ہفتوں طویل شدید لڑائی     کے ماحول سے متاثر ہیں ، جس کے نتیجے میں ہزاروں  افراد  نے راہ ِفرار  اختیار کی ہے۔

سوڈان کی 18 ریاستوں میں سےرسے پانچ پر  ریپڈ  فورسسز کاکنٹرول ہے، حالانکہ شمالی دارفور کے کچھ شمالی حصے ابھی بھی فوج کے قبضے میں ہیں۔  جبکہ ملکی فوج باقی 13 ریاستوں کے زیادہ تر علاقوں پر قابض ہے، جو ملک کے جنوبی، شمالی، مشرقی اور وسطی حصوں میں واقع ہیں اور جن میں دارالحکومت خرطوم بھی شامل ہے۔

سوڈانی فوج اور RSF کے درمیان تنازعہ، جو اپریل 2023 میں شروع ہوا، تب سے ہزاروں افراد کی ہلاکت اور لاکھوں لوگوں کی بے دخلی کا سبب بنا ہے۔