ٹی آرٹی کے مواصلاتی شراکت دار ہونے کے ساتھ، وزارتِ صنعت وٹیکنالوجی اور T3 فاؤنڈیشن کے زیرِ اہتمام منعقدہ TEKNOFEST شانلی عُرفا GAP ہوائی اڈے پر اپنے زائرین کی میزبانی جاری رکھے ہوئے ہے۔
ایوانِ صدر دفاعی صنعت ادارے (SSB) کے سربراہ خالق گیورگن نے میلے کے سلسلے میں STM کی انتظام کاری میں ہونے والے World Drone Cup میں شرکت کی۔ گورگون نے ایونٹ کے مقام پر FPV چشمہ لگا کر پائلٹ کے نقطۂ نظر سے پرواز کا تجربہ کیا۔
پرواز کے تجربے کے بعد گیورگن TEKNOFEST کے روبو لیگ حصے میں گئے، جہاں انہوں نے نوجوانوں کے اپنے ڈیزائن کردہ روبوٹس کا قریب سے معائنہ کیا۔ انہوں نے اسٹالز کا دورہ کیا اور شرکت کرنے والی ٹیموں سے روبوٹس کی ترقیاتی کارروائیوں کے بارے میں معلومات حاصل کیں۔
ایس ایس بی کے طور پر ہم اپنے نوجوانوں کے شانہ بشانہ ہیں
اپنے دورے کے بارے میں سوشل میڈیا اکاؤنٹ پر بیان دیتے ہوئے گیورگن نے کہا :
"اپنے روبوٹس اور ڈرونز کے ساتھ مستقبل کی جانب بڑھتے ہوئے ہمارے نوجوان، ترکیہ کے ٹیکنالوجی کے سفر کے مستقبل کو آج ہی رقم کر رہے ہیں۔ STM کی جانب سے منعقدہ World Drone Cup کے زیر اہتمام مقابلے میں ہم نے FPV چشمہ پہن کر پائلٹ کی نظر سے پرواز کا تجربہ کیا۔ روبو لیگ میں ہم نے نوجوانوں کے اپنے ڈیزائن کردہ روبوٹس کا قریب سے مشاہدہ کیا اور ان کے ترقیاتی قصّے سنے۔ SSB کے طور پر ہم اپنے نوجوانوں کے ساتھ ہیں؛ دفاعی صنعت کی سب سے بڑی طاقت ان کی سوچ اور ان کا دل ہے۔"
