ایک سرکاری بیان کے مطابق ،بھارت کے وزیر اعظم نریندرا مودی نے  نئی دہلی میں ہسپانوی وزیر اعظم پیدرو سانچیز سے ملاقات کی جس میں  دونوں رہنماؤں نے دو طرفہ  تعلقات مضبوط کرنے کی کوشش  کا اظہار کیا ۔

وزارتِ خارجہ کے ترجمان رندھیر جیسوال نے X پر ایک پوسٹ میں کہا  کہ سانچیز، جو 'اے آئی امپیکٹ سمٹ 2026' کے لیے بھارت کا دورہ کر رہے ہیں انہوں  نے مودی کے ساتھ وسیع نوعیت کی بات چیت کی جو اہم شعبوں میں تعاون بڑھانے پر مرکوز تھی ۔

انہوں نے کہا کہ بات چیت میں کلیدی شعبوں میں تجارت اور معیشت، ڈیجیٹل جدت، صحت، آب و ہوا کے اقدامات اور تعلیم وغیرہ شامل تھے۔

 انہوں نے مزید کہا کہ مودی نے  اسپین  کی بھارت-یورپی یونین کے مضبوط تعلقات کے لیے مستقل حمایت پر اپنی قدردانی کا اظہار کیا  ہے ۔

 واضح رہے کہ اسپین  یورپی یونین میں بھارت کا چھٹا سب سے بڑا تجارتی شراکت دار ہے جس کی دوطرفہ اشیاء کی تجارت 2024 میں 9.32 بلین ڈالر تک پہنچ گئی تھی۔

دریں اثنا، مودی نے فن لینڈ کے وزیر اعظم پیٹیری اورپو سے بھی رابطہ کیا ۔

وزارتِ خارجہ کے ترجمان رندھیر جیسوال نے کہا کہ انہوں نے ڈیجیٹلائزیشن، مصنوعی ذہانت کی تحقیق اور  بھارتی صلاحیتوں سے دوطرفہ تعاون  کے امکانات  پر غور کیا ۔

انہوں نے مزید کہا کہ دونوں رہنماؤں نے ٹیلنٹ پر مبنی مصنوعی ذہانت کو آگے بڑھانے اور ایک پائیدار مستقبل کے لیے ٹیکنالوجی کی مدد سے حل بروئے کار لانے کے عزم کا اعادہ کیا۔