ڈنمارک نے پیر کے روز اعلان کیا کہ وہ آرکٹک میں اپنی فوجی موجودگی کو مستحکم کرنے کے لیے 14.6 ارب ڈنمارک کرون (2.05 ارب امریکی ڈالر) خرچ کرے گا، یہ فیصلہ امریکی صدر ڈونلڈ ٹرمپ کی گرین لینڈ کو کنٹرول کرنے میں دوبارہ دلچسپی کے بعد کیا گیا ہے۔ گرین لینڈ، ڈنمارک کا نیم خود مختار علاقہ ہے۔

اس ماہ، ٹرمپ نے کہا تھا کہ گرین لینڈ امریکی سیکیورٹی کے لیے انتہائی اہم ہے اور ڈنمارک کو اس اسٹریٹیجک اہمیت کے حامل آرکٹک جزیرے پر اپنا کنٹرول چھوڑ دینا چاہیے۔

دس سال تک دفاعی اخراجات میں بڑے پیمانے پر کمی کے بعد، گزشتہ سال ڈنمارک نے اپنے فوجی اخراجات کے لیے 190 ارب ڈنمارک کرون (26 ارب ڈالر) مختص کیے، جس کا ایک حصہ اب آرکٹک کے لیے استعمال کیا جا رہا ہے۔

اگرچہ ڈنمارک گرین لینڈ کی سیکیورٹی اور دفاع کا ذمہ دار ہے، اس کے باوجود جزیرے پر اس کی فوجی صلاحیت محدود ہے اور اسے عموماً ایک سیکیورٹی خلا سمجھا جاتا ہے۔

اس وقت، ڈنمارک کے پاس چار نگران  بحری  جہاز، ایک چیلنجرگشتی طیارہ اور 12 کتے ٹراؤٹ ڈیوٹیز ہیں؛ یہ سب فرانس کےرقبے سے چار گنا بڑے علاقے کی نگرانی کرنے کے ذمہ دار ہیں۔

وزیر دفاع ٹرولس لینڈ پوولسن نے ایک پریس کانفرنس میں کہا کہ اس معاہدے میں تین نئے آرکٹک نیوی جنگی جہازوں کے لیے فنڈنگ فراہم کرنا، طویل فاصلے  تک پرواز کرنے والے  گشتی ڈراونز کی تعداد کو چار تک بڑھانا اور سیٹلائٹ  نگرانی شامل ہے۔

سیاسی جماعتوں نے اس بات پر اتفاق کیا ہے کہ سال کے پہلے نصف میں پیش کیے جانے والے معاہدے میں آرکٹک کے لیے مزید  رقوم  مختص کی جائیں گی۔

امریکی فوج  کاگرین لینڈ کے شمال مغرب میں پٹوفِک اسپیس بیس پر ایک مستقل وجود  ہے۔ یہ بیس بالیٹک میزائل کے ابتدائی انتباہی نظام کے لیے ایک اسٹریٹجک مقام پر واقع ہے کیونکہ یورپ سے شمالی امریکہ تک کا سب سے مختصر راستہ اس جزیرے کے پاس سے  گزرتا ہے۔