مشرق وسطی
2 منٹ پڑھنے
حماس کا اسرائیل پر غزہ میں نسل کشی کے شواہد چھپانے کا الزام
فلسطینی مزاحمتی تنظیم حماس نے خبردار کیا ہے کہ اسرائیل غزہ میں فلسطینیوں کے خلاف کی جانے والی نسل کشی کے شواہد کو چھپانے کی کوشش کر رہا ہے
حماس کا اسرائیل پر غزہ میں نسل کشی کے شواہد چھپانے کا الزام
حماس / TRT World
 

فلسطینی مزاحمتی تنظیم حماس نے خبردار کیا ہے کہ اسرائیل غزہ میں فلسطینیوں کے خلاف کی جانے والی نسل کشی کے شواہد کو چھپانے کی کوشش کر رہا ہے۔

 حماس نے بتایا کہ ہزاروں لاپتہ افراد کی لاشیں ملبے تلے دبی ہوئی ہیں اور اسرائیل اس ملبے کو کچل رہا ہے، ہٹا رہا ہے اور منتقل کر رہا ہے۔

تنظیم نے اپنے ایک سرکاری بیان میں "قابض حکومت اور اس کی فوج کی جانب سے ملبے کو ہٹانے، اسے کچلنے اور دوسری جگہوں پر منتقل کر کے غزہ میں ہمارے عوام کے خلاف کیے جانے والے سفاکانہ جرائم کے شواہد کو مٹانے کی کوششوں" کی شدید مذمت کی۔

حماس نے اس بات پر زور دیا کہ یہ اقدامات ملبے کے نیچے "ہزاروں لاپتہ افراد کی لاشوں اور قابضین کی جانب سے دو سال سے زائد عرصے سے جاری نسل کشی کے جرائم کے مادی شواہد" کی موجودگی کے باوجود کیے جا رہے ہیں۔

حماس نے انسانی باقیات اور ممکنہ قانونی شواہد والے مقامات کے ساتھ چھیڑ چھاڑ کو "بین الاقوامی قوانین اور عالمی عدالتِ انصاف  کے شواہد کو محفوظ رکھنے کے حکم کی صریح خلاف ورزی" قرار دیتے ہوئے کہا کہ یہ "شہداء کی حرمت اور اپنے اقارب کی لاشیں تلاش کر کے انہیں دفنانے کے لواحقین کے حق پر ایک حملہ ہے"۔

حماس نے فلسطینی علاقوں میں انسانی حقوق کی صورتحال سے متعلق اقوامِ متحدہ کی خصوصی مبصر فرانسسکا البانیز  کے اس انتباہ کا خیرمقدم کیا جس میں انہوں نے کہا تھا کہ اسرائیل کی جانب سے ملبے کو ہٹانے کے کام سے "سفاکانہ جرائم" کے نشانات مٹنے کا خطرہ ہے۔

اقوامِ متحدہ اور عالمی فوجداری عدالت  سے ان مقامات کے تحفظ کی اپیل کرتے ہوئے حماس نے مطالبہ کیا کہ لاشوں کو نکالنے کی نگرانی اور فرانزک مواد کو دستاویزی شکل دینے کے لیے بین الاقوامی فرانزک محققین کو غزہ بھیجا جائے۔

واضح رہے کہ دو سال سے جاری اسرائیلی نسل کشی کے نتیجے میں اب تک 73,000 سے زائد فلسطینی شہید، 174,000 سے زائد زخمی ہو چکے ہیں اور 9,000 سے زائد افراد تباہ شدہ عمارتوں کے ملبے تلے لاپتہ ہیں۔

 

دریافت کیجیے
میں خود کو احمق محسوس کر رہا ہوں: مسک
ترکیہ کا تحقیقاتی بحری جہاز ’’اورچ رئیس‘‘ پاکستان روانہ گیا
دفاعی معاہدے کا مقصد ترکیہ اور قطر کی خودمختاری کا تحفظ کرنا ہے: ترکیہ وزارتِ دفاع
یورپی یونین کمیشن پر سائبر حملہ
ایران: ہم نے کویت میں امریکی پیٹریاٹ فضائی دفاعی نظام کو نشانہ بنایا ہے
ترکیہ: "کوپ 31 انطالیہ۔غزہ موسمیاتی راہداری" قائم کی جائے
مغربی کنارے میں غیر قانونی یہودی بستیوں کے معاملے پر آسٹریلیا کی اسرائیلی شہریوں پر پابندیاں
امریکہ کے ایران کے جزیرہ قشم پر متعدد حملے
روس:یوکرین نے ایک بار پھر کریمیا پل کو نشانہ بنایا ہے
امریکہ: ٹرمپ کے ایک تہائی سے زیادہ حامیوں نے ووٹ نہیں دیا
ٹرمپ، ایران کے ساتھ جنگ کو لمبا نہیں ہونے دیں گے: وینس
امریکی انٹیلی جنس کا دعویٰ: ایران واشنگٹن میں ’ڈرٹی بم‘ حملے کی منصوبہ بندی کر رہا ہے
اسپین: لاکھوں کی شرکت سے ملک گیر ہڑتال
یورپی یونین کی اعلیٰ نمائندہ کایا کالاس نے روس کے مذاکراتی مطالبات کو ’’بے معنی‘‘ قرار دے دیا
چار ممالک کا اسرائیل سے غزہ کو امداد کے حوالسے سے "فوری طور پر تاخیر ختم کرنے" کا مطالبہ