امریکہ کے وزیر خزانہ اسکاٹ بیسنٹ نے اتوار کے روز جاری کردہ بیان میں کہا ہے کہ ٹک ٹاک سے متعلق معاہدہ اس ہفتے صدر ڈونلڈ ٹرمپ اور صدر شی جن پنگ کے درمیان ملاقات کے دوران حتمی شکل اختیار کر لے گا۔

بیسنٹ نے پروگرام 'فیس دی نیشن' میں مارگریٹ برینن کے ساتھ ایک انٹرویو میں کہا ہے کہ "ہم نے ٹک ٹاک پر ایک حتمی معاہدہ کر لیا ہے۔ میڈرڈ میں ہم نے ایک معاہدہ کیا تھا اور مجھے یقین ہے کہ  آج سےمعاہدے کی تمام تفصیلات حتمی شکل اختیار کر گئی ہیں۔ معاہدے کو  دونوں رہنما جمعرات کے روز  جنوبی کوریا میں آخری شکل دیں گے"۔

ٹرمپ کے تین ممالک پر مشتمل دورہ ایشیاء کے آغاز پر چین اور امریکہ کے اعلیٰ حکام نے تجارتی مذاکرات کےلئے  بروز اتوار ملائیشیا میں دوبارہ ملاقات کی۔ ٹرمپ، ایشیاء۔پیسیفک اقتصادی تعاون سربراہی اجلاس 'اے پی ای سی'  کے دائرہ کار میں، 30 اکتوبر کو جنوبی کوریا میں چین کے صدر شی جن پنگ کے ساتھ ملاقات کریں گے۔

ٹرمپ نے گذشتہ ماہ ایک ایگزیکٹو آرڈر پر دستخط کیے تھے جس کا مقصد ٹک ٹاک کو امریکی سرمایہ کاروں کے ساتھ اور ایک نئی اداراتی ساخت کے تحت کام کرنے کی اجازت دینا تھا  تاہم معاہدے کی تفصیلات ابھی تک ظاہر نہیں کی گئی ہیں۔