ایرانی  وزارت خارجہ کے ترجمان اسماعیل بقائی نے اپنے ملک پر ہونے والے حملوں اور نیٹو کے کردار کے بارے میں کہا، 'نیٹو کے جنرل سیکرٹری مارک رُٹے کے بیانات اس بات کا اعتراف ہیں کہ یورپ ایران کے خلاف جنگ میں شامل ہو چکا ہے۔'

بقائی نے امریکی سوشل میڈیا  ایکس پر روٹے کی تقریر شیئر کرتے ہوئے کہا کہ نیٹو اور یورپ ایران کے خلاف حملوں میں شریک ہیں۔

بقائی نے کہا، 'نیٹو کے جنرل سیکرٹری مارک رُوٹے کے بیانات اس بات کا اعتراف ہیں کہ یورپ جان بوجھ کر ایران کے خلاف حملوں میں شریک رہا ہے۔' انہوں نے زور دیا کہ یورپی یونین کے رکن ممالک اور نیٹو کے اراکین کو امریکہ اور اسرائیل کے ایران پر حملوں کے بارے میں جوابدہ ٹھہرایا جانا چاہیے۔

بقائی نے مزید کہا کہ جنگ کے باعث ایندھن کی قیمتوں میں اضافے اور دیگر مشکلات کو مدنظر رکھتے ہوئے یورپی ممالک کے اس جنگ کی حمایت میں ادا کردہ کردار کا جائزہ لیا جانا چاہیے۔

روٹے نے ایک پینل میں شرکت کرتے ہوئے  اس طرف اشارہ دیا تھا کہ 28 فروری کو امریکہ اور اسرائیل کے ایران پر حملے کے بعد یورپ کے اڈّوں سے پانچ ہزار پروازیں  سرانجام دی گئیں۔