فرانس کی تاریخ میں پہلی بار،سابقہ صدر کو جیل کی ہوا کھانا پڑ گئی

فرانس کے سابق صدر نکولس سرکوزی  کو  2007 کی انتخابی مہم کے دوران  لیبیا سے ملنے والی  مالی امداد  کے  ناجائز استعمال  کے جرم  میں    جیل کی ہوا کھانا پڑ رہی ہے۔

صدارتی  محل  سے پیرس کی بدنام زمانہ لا سانٹے جیل تک ان کے سفر نے فرانس کو اپنی طرف متوجہ کر رکھا ہے۔

سارکوزی کے بیٹوں میں سے ایک لوئس نے آج  صبح پیرس میں اپنے والد کی حمایت میں ریلی نکالی۔

سپر ماڈل سے گلوکارہ بننے والی کارلا برونی  نے سزا سنائے جانے کے بعد سے سارکوزی کے بچوں کی تصاویر اور ان کے اعزاز میں گانوں کی تصاویر شیئر کی ہیں۔

صدر ایمانوئل میکرون نے گذشتہ ہفتے صدارتی محل میں قدامت پسند سارکوزی کی میزبانی کی تھی۔

سارکوزی نے لی فگارو اخبار کو بتایا کہ وہ توقع کرتے ہیں کہ انہیں قید تنہائی میں رکھا جائے گا ۔ ایک اور امکان یہ ہے کہ انہیں جیل کے مخصوص  حصے   میں  رکھا گیا ہے ،  جسے  عام بول چال میں وی آئی پی سیکشن کہا جاتا ہے۔

سارکوزی نے لا ٹریبیون ڈیمانچے اخبار کو بتایا کہ میں جیل سے نہیں ڈرتا۔ میں اپنا سر اونچا رکھوں گا   اور میں آخر تک لڑوں گا۔''

 سارکوزی نے لی فگارو اخبار کو یہ بھی بتایا کہ وہ تین کتابیں لے کر آئیں گے ۔ جس میں الیگزینڈر ڈوماس کی "دی کاؤنٹ آف مونٹی کرسٹو" بھی شامل ہے ، جس کا ہیرو انتقام لینے سے پہلے جزیرے کی جیل سے فرار ہوجاتا ہے۔

پیرس کے جج نے فیصلہ دیا کہ سارکوزی اپنی اپیل کی سماعت کا انتظار کیے بغیر جیل کی سزا کاٹنا شروع کردیں گے ، کیونکہ جرم کی وجہ سے امن عامہ میں خلل پڑنے کا خدشہ ہے۔

اس فیصلے کے تحت 70 سالہ سرکوزی صرف اس وقت اپیل کورٹ میں رہائی کی درخواست دائر کر سکیں گے جب وہ سلاخوں کے پیچھے ہوں گے اور اس کے بعد ججوں کو اس درخواست پر کارروائی کرنے کے لیے دو ماہ کا وقت درکار  ہوگا۔