پولیس نے بتایا کہ پاکستانی طالبان دہشت گردوں کی طرف سے مبینہ طور پر ایک ٹھکانے پر ذخیرہ کیا گیا او ایم بی بنانے والا مواد  ملک کے شورش زدہ شمال مغربی علاقے میں پھٹ گیا ، جس میں دہشت گردوں اور عام شہریوں سمیت کم از کم 24 افراد ہلاک ہوگئے۔

یہ دھماکہ صوبہ خیبر پختونخوا کی وادی تیراہ میں ہوا جس کے نتیجے میں قریبی کئی گھر تباہ ہوگئے۔ مقامی پولیس افسر ظفر خان نے بتایا کہ کم از کم 14 دہشت گرد سمیت کم از کم 10 شہری ہلاک ہوئے جن میں خواتین اور بچے بھی شامل ہیں۔

 ظفرخان نے الزام لگایا کہ پاکستانی طالبان کے دو مقامی کمانڈروں  امان گل اور مسعود خان نے اس کمپاؤنڈ میں ٹھکانے بنائے تھے ، جسے سڑک کے کنارے بم بنانے کے لئے فیکٹری کے طور پر استعمال کیا جا رہا تھا۔

انہوں نے ٹی ٹی پی کے دہشت گردوں پر الزام عائد کیا کہ وہ شہریوں کو انسانی ڈھال کے طور پر استعمال کر رہے ہیں۔

پاکستان کی سیکیورٹی فورسز خیبر ، باجوڑ اور شمال مغرب کے دیگر حصوں میں ٹی ٹی پی کے دہشت گردوں کے خلاف کارروائیاں کر رہی ہیں۔

پاکستان میں دہشت گرد حملوں میں اضافہ دیکھا گیا ہے، جن کی ذمہ داری ٹی ٹی پی نے قبول کی ہے جو افغان طالبان کے اتحادی ہیں۔

ٹی ٹی پی ایک الگ گروپ ہے لیکن 2021 میں افغان طالبان کی اقتدار میں واپسی کے بعد سے اس کی حوصلہ افزائی ہوئی ہے۔

 خیال کیا جاتا ہے کہ ٹی ٹی پی کے بہت سے رہنماؤں اور جنگجوؤں کو افغانستان میں پناہ مل گئی ہے۔