سعودی عرب نے بدھ کو کہا کہ اس نے   ایک آئل فیلڈکی جانب بڑھنے والے سات ڈرونز  کو روکا ہے ۔

 واضح رہے کہ ایران نے خلیجی  ہمسایہ ممالک  اور ان کے توانائی کے بنیادی ڈھانچوں پر دوبارہ حملے شروع کر دیئے ہیں۔

 سعودی وزارتِ دفاع نے ایک پوسٹ میں کہا ہے کہ ا لشیبہ آئل فیلڈ کی جانب جانے والے دو ڈرونز کو روکا گیا اور تباہ کر دیا گیا جبکہ  مزید پانچ ڈرونز کو بھی تباہ کیا گیا ہے ۔

الشیبہ آئل فیلڈ  جو مملکت کی وسیع تیل پیداوار کے لیے اہم ہے، متحدہ عرب امارات کی سرحد کے قریب واقع ہے اور سعودی کمپنی آرامکو کے زیرِ انتظام ہے، جو بازارِ سرمایہ  کے لحاظ سے دنیا کی بڑی کمپنیوں میں سے ایک ہے۔

حکومت نے کہا کہ اس نے ملک کے مشرقی علاقے اور پرنس سلطان ایئر بیس کو نشانہ بنانے والے  بعض  حملوں میں ملوث  سات بیلسٹک میزائل بھی روک لیے، جہاں ایک امریکی فوجی 1 مارچ کو زخمی ہوا تھا اور ایک ہفتے بعد انتقال کر گیا۔

متحدہ عرب امارات نے بھی  ایران کی جانب سے ایک نئے میزائل اور ڈرون حملے کی اطلاع دی تھی۔

وزارتِ دفاع نے کہا کہ اس کے فضائی دفاعی نظام نامعلوم تعداد میں میزائلوں اور ڈرونز کا جواب دے رہے ہیں، مگر اس نے حملے کے ہدف یا مقام کے بارے میں مزید تفصیلات فراہم نہیں کیں۔

ایران کے پاسداران انقلاب  اسلامی  نے کہا کہ انہوں نے تل ابیب سمیت اسرائیلی شہروں اور خطے میں امریکی اہداف پر میزائلوں کا ایک نیا سلسلہ  شروع کر دیا ہے۔

ایرانی میڈیا کی اطلاعات کے مطابق، ایرانی دستے  نے بحرین اور شمالی عراق کے کرد علاقے میں امریکی اڈوں کو نشانہ بنایا ۔

تسنیم نیوز ایجنسی کے ذریعے جاری بیان میں ایران نے کہا کہ بڑی تعداد میں بیلسٹک میزائل بحرین میں امریکی  بحریہ  کے  اڈے اور عراق کے شمال میں تین دیگر  تنصیبات  پر داغے گئے۔

بحرین ایرانی ڈرونز اور میزائلوں کی لہروں کا ہدف بنا ہے جن کے نتیجے میں حکام کے مطابق اب تک ملک میں دو افراد ہلاک ہوئے ہیں۔

ایرانی خبر رساں اداروں فارس اور مہر کے مطابق، آئی آر جی سی نے بعد ازاں کہا کہ کم از کم دو میزائل کویت میں ایک امریکی اڈے کو نشانہ بنا رہے تھے جبکہ عارفجان میں امریکی اڈے کوآئی آر جی سی گراؤنڈ فورس میزائل یونٹ کی جانب سے 2 میزائلوں  کے ذریعے  نشانہ بنایا گیا ۔