اسرائیلی وزیر اعظم بینجمن نیتن یاہو نے وائٹ ہاؤس میں امریکی صدر ڈونلڈ ٹرمپ سے ملاقات کے دوران کہا ہے کہ اسرائیل امریکہ کے ساتھ مل کر ایسے ممالک کی نشاندہی کرنے کے لیے کام کر رہا ہے جو فلسطینیوں کو بہتر مستقبل فراہم کر سکیں۔

نیتن یاہو نے پیر کے روز اجلاس کے آغاز پر نامہ نگاروں کو بتایا کہ اسرائیل امریکہ کے ساتھ مل کر ایسے ممالک کی تلاش میں کام کر رہا ہے جو فلسطینیوں کو بہتر مستقبل فراہم کریں۔

اسرائیلی رہنما نے مزید کہا کہ امن ان فلسطینیوں کے ساتھ حاصل کیا جا سکتا ہے جو اسرائیل کی تباہی کے خواہاں نہیں ہیں ، لیکن اس بات پر زور دیا کہ "سلامتی کی خود مختار طاقت ہمیشہ ہمارے ہاتھوں میں رہتی ہے۔

یہ پوچھے جانے پر کہ کیا دو ریاستی حل ممکن ہے، ٹرمپ نے جواب دیا: "میں نہیں جانتا" اور یہ سوال نیتن یاہو کی طرف اشارہ کیا جنہوں نے بار بار فلسطینی ریاست کی مخالفت کی ہے۔

نیتن یاہو نے کہا کہ کچھ لوگ ہم سے فلسطینیوں کو ایک ریاست دینے کا مطالبہ کر رہے ہیں لیکن یہ ہماری تباہی کا  پلیٹ فارم ہو گا۔

نیتن یاہو نے یہ بھی دعویٰ کیا کہ 7 اکتوبر کے بعد حماس کی اسرائیل میں ایک ریاست تھی لیکن انہوں نے اسے تباہ کر دیا۔

ٹرمپ نے کہا کہ انہیں یقین ہے کہ حماس جنگ بندی پر رضامند ہے۔

انہوں نے یہ بھی  کہا کہ وہ جنگ بندی چاہتے ہیں۔

نیتن یاہو نے ٹرمپ کو نوبل امن انعام کے لیے نامزد کرتے ہوئے ایک خط بھی پیش کیا۔

انہوں نے امریکی صدر سے کہا کہ آپ اس کے مستحق ہیں۔

اس کے جواب میں ٹرمپ نے کہاکہ آپ کی طرف سے  یہ بہت معنی خیز  جواب ہے۔

 ایران کے ساتھ جھڑپیں

 دونوں رہنماؤں نے ایران پر بھی تبادلہ خیال کیا۔

ٹرمپ نے کہا کہ انہیں امید ہے کہ اسرائیل اور ایران کے درمیان جنگ ختم ہو جائے گی اور انہوں نے اس بات کا اعادہ کیا کہ وہ "صحیح وقت پر" تہران پر عائد پابندیاں ہٹانے کے لئے تیار ہیں۔

انہوں نے اس بات کی تصدیق کی کہ ایرانی حکام کے ساتھ مذاکرات آئندہ ہفتے ہونے والے ہیں۔

وائٹ ہاؤس میں اسرائیلی وزیر اعظم بینجمن نیتن یاہو کے ہمراہ صحافیوں سے گفتگو کرتے ہوئے ٹرمپ نے کہا کہ ہم نے ایران سے مذاکرات طے کیے ہیں اور وہ بات چیت کرنا چاہتے ہیں۔ 

ٹرمپ کے مشرق وسطیٰ کے سفیر اسٹیو وٹکوف نے کہا کہ یہ ملاقات 'اگلے ہفتے' ہو گی۔ 

ایران پر ایک اور حملے کے بارے میں پوچھے جانے پر ٹرمپ نے کہا کہ 'مجھے امید ہے کہ ہمیں ایسا نہیں کرنا پڑے گا۔

  مجھے امید ہے کہ یہ ختم ہو گیا ہے. ، میرے خیال میں ایران ملنا چاہتا ہے، میرے خیال میں وہ امن قائم کرنا چاہتے ہیں اور میں اس کے حق میں ہوں۔