ایران کی پاسدارانِ انقلاب فورسز (IRGC) نے کہا ہے کہ انہوں نے پیر کے روز آٹھویں حملے کے دوران اسرائیل کے کثیر السطحی دفاعی نظام کو ناکام بنانے کے لیے نئے طریقے استعمال کیے ہیں جس کے نتیجے میں اسرائیلی دفاعی نظام ایک دوسرے کو نشانہ بنانے لگ گئے ہیں۔

پاسدارانِ انقلاب نے کہا  ہےکہ اس حملے میں ، پہلے سے زیادہ طاقتور اور تباہ کن، انٹیلی جنس اور جدید آلات کا استعمال کیا گیاجس کی وجہ سے  اسرائیلی دفاعی نظام میں خرابی پیدا ہوئی ہے۔

بیان میں کہا گیا ہے کہ دشمن کے کثیر السطحی دفاعی نظام کو اس طرح متاثر کیا گیا  ہےکہ یہ دفاعی نظام ایک دوسرے کو نشانہ بنانا شروع ہو گئے ہیں۔

پاسدارانِ انقلاب نے دعویٰ کیا  ہےکہ باوجودیکہ اسرائیل کو امریکی اور مغربی دفاعی ٹیکنالوجی کی مکمل حمایت حاصل ہے ہماری اختیار کردہ   جدتوں کی بدولت زیادہ سے زیادہ میزائل حملے کامیابی سے اپنے اہداف پر  پہنچےہیں ۔

ایران نے اس کاروائی کو مرحوم کمانڈروں کے وعدوں کی تکمیل قرار دیا اور کہا ہے کہ اس سے ظاہر ہوتا ہے کہ اسلامی ایران کے خلاف دشمن  صیہونیوں اور امریکیوں کے حساب کتاب اور اندازے مکمل طور پر غلط تھے۔

پاسدارانِ انقلاب نے خبردار کیا ہے کہ "جعلی انتظامیہ" کے کلیدی اہداف کے خلاف "موثر، ہدفی اور زیادہ تباہ کن" کارروائیاں اس کے "مکمل خاتمے" تک جاری رہیں گی۔

واضح رہے کہ پیر کے روز کےحملوں میں درجنوں افراد ہلاک اور زخمی ہوئے۔اس جانی نقصان نے جمعہ کی صبحایران پر  اسرائیلی حملوں سے شروع ہونے والے اور تاحال  جاری  تنازعے میں  مزید شدت پیدا کر دی ۔ اسرائیلی حملوں میں ایران کی  جوہری اور میزائل تنصیبات کو نشانہ بنایا گیا اور اعلیٰ فوجی کمانڈروں اور سائنسدانوں کو ہلاک کر دیا گیا تھا۔