ترک وزیر خارجہ  خاقان  فیدان  نے  برسلز میں نیٹو وزرائے خارجہ کے اجلاس میں کہا ہے کہ روس اور یوکرین کے درمیان امن مذاکرات کے لیے ترکیہ موزوں  ملک ہے۔

انہوں نے  ٹی آر ٹی  نیوز  اور انادولو کے ساتھ ایک انٹرویو میں کہا کہ ہم نے گزشتہ موسم گرما میں استنبول میں تین بار   اجلاسوں کی میزبانی  کی  ۔

یورپی یونین اور نیٹو کے ہم منصبوں سے بات چیت کے بعد فدان نے کہا کہ بات چیت کا مرکزی موضوع روس-یوکرین جنگ، ممکنہ امن فریم ورک کی تلاش، اور وسیع تر علاقائی مسائل پر رہا ہے جہاں ترکیہ  مرکزی کردار ادا کرتا ہے۔

فدان نے کہا کہ وہ روس-یوکرین امن عمل کے بارے میں محتاط امید رکھتے ہیں ،سب سے اہم بات یہ ہے کہ میز  ترک نہ کیا جائے ،اگر  صلح کے ارادے سے بیٹھا جائے گا تو نتیجہ  معاہدے  پر نکلے گا۔

انہوں نے کہا کہ امریکی ثالث اسٹیو وٹکوف کے پاس مذاکرات کو آگے بڑھانے کے لیے "ضروری صلاحیتیں" ہیں۔

فدان نے مزید کہا کہ ترکیہ  کا ماننا ہے کہ روس اور یوکرین دونوں جلد ہی زیادہ مثبت موقف اختیار کر سکتے ہیں۔

انہوں نے کہا  کہ روس کا رویہ مثبت ہے  اور میرا خیال ہے کہ یوکرین بھی جلد ہی مثبت موقف اختیار کرے گا۔

فدان نے زور دیا کہ کوئی بھی ممکنہ معاہدہ یورپ کے مستقبل کو تشکیل دے گا، صرف جنگ کا خاتمہ نہیں کرے گا۔

فدان نے حالیہ حملوں کا بھی جواب دیا جو ترکیہ  سے متصل  بحیرہ اسود کے قریب تجارتی جہازوں پر تھے۔

انہوں نے کہا کہ ترکیہ، رومانیہ اور بلغاریہ نے بہتی ہوئی بارودی سرنگوں کا مقابلہ کرنے اور سمندری سلامتی کو بہتر بنانے کے لیے ایک ورکنگ گروپ تشکیل دیا ہے جبکہ بحری افواج پہلے ہی تعاون کر رہی ہیں۔

 فدان  نے کہا کہ ترکیہ کے تقریبا تمام یورپی یونین ممالک کے ساتھ تعلقات مثبت طور پر ترقی کر رہے ہیں، لیکن خبردار کیا کہ یونانی قبرصی انتظامیہ کے اقدامات تعاون میں رکاوٹ بنتے رہتے ہیں۔

 انہوں نے کہا کہ ایک گروہ ترکی اور یورپی یونین کے درمیان ہم آہنگی کو یرغمال بنائے ہوئے ہے، جو 400 ملین سے زائد لوگوں کی تقدیر سے متعلق معاملہ ہے۔

انہوں نے دلیل دی کہ ترکیہ  اب بھی ایک قابل اعتماد، منصفانہ اور قابل شراکت دار ہے، جس کے پاس مضبوط ادارے، متحرک آبادی اور نجی شعبہ مسابقتی ہے۔

انہوں نے کہا کہ سیاسی رکاوٹوں کو دور کرنا یورپی یونین-ترکیہ تعلقات کے مکمل امکانات تک پہنچنے کے لیے ضروری ہے۔