پاکستان نے جمعے کو کہا کہ اس نے افغانستان سے ملحقہ  اپنے شمال مغربی علاقے میں ایک ڈرون حملہ ناکام بنا دیا ہے۔

پاکستانی  وزیرِ اطلاعات وزیر عطااللہ تارڑ نے X پر جاری بیان میں کہا، "فتنہ الخوارج دہشت گردوں نے صوبہ خیبر پختونخوا کے ایبٹ آباد، صوابی اور نوشہرہ علاقوں میں چھوٹے ڈرون لانچ کرنے کی کوشش کی۔"

تارڑ نے مزید کہا کہ اینٹی ڈرون سسٹمز نے"تمام ڈرون گر دیے  ہیں، اس دوران کوئی  جانی نقصان نہیں ہوا۔"

پاکستان نے ہمسایہ افغانستان پر تحریک طالبان پاکستان (ٹی ٹی پی) دہشت گردوں کو پناہ دینے اور سرحد پار حملوں میں اضافہ کا ذمہ دار ہونے کا الزام عائد کیا ہے۔

تارڑ نے الزام لگایا،"ان واقعات نے دوبارہ افغان طالبان حکومت اور پاکستان میں دہشت گردی کے درمیان براہِ راست روابط  عیاں  کر دیے ہیں۔"

ان کے بیان کے بعد افغانستان نے جمعے کو دعویٰ کیا کہ اس نے پاکستان کے اندر فوجی مقامات کو نشانہ بنایا ہے۔

افغان وزارت دفاع

افغان وزارت نے کہا کہ حملے مقامی وقت کے مطابق  تقریباً صبح 11 بجے کیے گئے۔

گزشتہ چند ماہ میں تعلقات بگڑ گئے ہیں کیونکہ پاکستان کا الزام ہے کہ افغانستان نے دہشت گردوں کو اپنے علاقے سے کارروائی کرنے کی اجازت دی، جسے کابل مسترد کرتا ہے، اگرچہ کشیدگی کم کرنے کی کوششوں کے درمیان سفارتی رابطے جاری ہیں۔