کرغزستان کے سابق وزیر اعظم جومرت اوتوربایف نے کہا ہے کہ ترکیہ یورپ اور ایشیاء کو ملانے والا ایک پُل ہے اور عالمی نظام کی تشکیل میں اہم کردار ادا کر رہا ہے۔

ہفتے کے روز استنبول میں نویں ٹی آر ٹی ورلڈ فورم کے اختتام پر، کرغزستان کے سابق وزیر اعظم جومرت اوتوربایف نے ترکیہ کے بڑھتے ہوئے سفارتی و ثقافتی اثر و رسوخ کو سراہا اور ترکیہ کو ایک اہم پل قرار دیا جو " براعظم یورپ  سے براعظم ایشیاء تک" پھیلا ہوا ہے۔ انہوں نے کہا ہے کہ ترکیہ ایک ایسا ملک ہے جو ابھرتے ہوئے عالمی نظام کی تشکیل میں اہم کردار ادا کر رہا ہے۔

فورم کے آخری دن  ٹی آر ٹی ورلڈ سے بات کرتے ہوئے اوتوربایف نے کہا  ہےکہ روس۔یوکرین تنازعے میں ثالثی سے لے کر غزہ بحران کے دوران انسانی ہمدردی کی کوششوں تک ترکیہ کی فعال سفارت کاری نے  ایک اہم علاقائی استحکام فراہم کیا اورملک کو  گلوبل ساؤتھ کی ایک معتبر آواز کی شکل عطا کی  ہے۔

اوتوربایف نے کہا ہے کہ"ترکیہ ، اپنی منفرد جغرافیائی حیثیت کی وجہ سے ،مجموعی طور پر ایک زیادہ بااثر ملک بنتا جا رہا ہے ۔ یہ یورپ کی سرحد پر ہے لیکن ایشیا کے لیے ایک دروازے کے طور پر بھی کام کرتا ہے۔ اس منفرد صورتحال میں، ترکیہ زیادہ سے زیادہ بااثر ہوتا جا رہا ہے۔"

اوتوربایف کے مطابق، عالمی سفارت کاری سے لے کر ڈیجیٹل معیشت تک ،ترکیہ کا بڑھتا ہوا اثر و رسوخ نے  اس سال کے ٹی آر ٹی ورلڈ فورم میں زیر بحث موضوع "گلوبل ری سیٹ" کی روح کو مجسم کردیا ہے۔

انہوں نے کہا ہے کہ " نہ صرف ایک ثالث کے طور پر، بلکہ خطوں، تہذیبوں، اور خیالات کے درمیان ایک پل کی حیثیت سے بھی  اس وقت ترکیہ کی آواز زیادہ سے زیادہ سنی جا رہی ہے ۔"

ترک دنیا میں ترقی کے نئے دور کی قیادت

اوتوربایف نے ترک زبان بولنے والے ممالک کے شہریوں کے لیے ورک پرمٹ کو آسان بنانے سے متعلق انقرہ کے حالیہ فیصلے کا خیرمقدم کیا اور کہا ہے “یہ قدم ہمارے ممالک کو ایک دوسرے سے زیادہ قریب لانے، اعتماد کی فجاء پیدا کرنے اور باہمی روابط کے معیار میں اضافہ کرنے کے حوالے سے ایک بہت اہم قدم ہے”۔