اسرائِلی فوج نے، وسطی غزہ میں ایک تقسیم مرکز کے قریب خوراک کی امداد کے انتظار میں کھڑے شہریوں پر فائرنگ کر کے مزید 15 فلسطینیوں کو قتل اور درجنوں کو زخمی کر دیا ہے ۔

طبی ذرائع اور عینی شاہدین کے مطابق متاثرین ان لوگوں میں شامل تھے جو وسطی غزہ کے علاقے میں نیتساریم کوریڈور کے قریب امریکی-اسرائیلی امدادی تقسیم مراکز کے قریب جمع تھے۔

عینی شاہدین نے بتایا ہے کہ اسرائیلی فوجی گاڑیوں اور ڈرونوں  نے تقسیم مرکز کے قریب ہجوم پر بلا امتیاز فائرنگ کی۔

یہ واقعہ غزہ میں بگڑتے ہوئے بحران کے دوران انسانی امداد تک رسائی کی کوشش کرنے والے فلسطینیوں کے ساتھ پیش آنے والے ایک اور مہلک واقعے کی نشاندہی کرتا ہے۔

غزہ  وزارت صحت نے رپورٹ کیا ہے کہ گزشتہ 48 گھنٹوں کے دوران 90 فلسطینی قتل کئے جا چُکے ہیں اور 605 زخمی اسپتالوں میں داخل کر دیئے گئے ہیں۔

واضح رہے کہ 7اکتوبر 2023 سے جاری اسرائیلی جنگ میں قتل کئے گئے فلسطینیوں  کی تعداد 55,297 تک پہنچ اور زخمیوں کی تعداد  128,426 تک پہنچ چُکی ہے۔

18 مارچ 2025 سے اب تک قتل کئے گئے افراد  کی تعداد  5,014 اور زخمی کئے گئے افراد کی تعداد  16,385 ہے۔