ترکیہ محکمہ اطلاعات کے مطابق ، ترک صدر نے جمعہ کو عراقی وزیرِ اعظم سے دوطرفہ تعلقات کے ساتھ ساتھ علاقائی اور عالمی صورتِ حال پر  ٹیلی فون پر بات چیت کی۔

محمد شیاع الاسودانی کے ساتھ گفتگو میں صدر ایردوان نے کہا کہ انقرہ عراق کے ساتھ مختلف شعبوں میں، خاص طور پر تجارت میں، تعلقات مضبوط کرنے کے لیے اقدامات جاری رکھے گا۔

ترک صدر نے یہ بھی زور دیا کہ دہشت گردی کے خلاف تعاون میں اضافہ دونوں ممالک کے مفاد میں ہوگا۔

رجب طیب ایردوان کا اپریل 2024  میں دورہ عراق دوطرفہ تعلقات میں ایک نمایاں موڑ ثابت  ہوا۔

دورے کے دوران سلامتی، تجارت، سرحدی آبی وسائل، زراعت، ثقافت اور نقل و حمل سمیت شعبوں میں 27 معاہدے اور مفاہمتی یادداشتیں  طے پائیں، جنہوں نے دوطرفہ شراکت داری کی قانونی بنیادوں کو مضبوط کیا۔

ایردوان کے دورے کے دوران دستخط کیے گئے اہم دستاویزات میں سے ایک 'مشترکہ تعاون کے لیے تزویراتی فریم ورک معاہدہ' کے تحت قائم ہونے والی مشترکہ مستقل کمیٹیوں کے ذریعے تعاون کو ادارہ جاتی شکل دینے میں خاطرخواہ پیش رفت ہوئی ہے۔

اس کے بعد کے عرصے میں اعلیٰ سطحی سیاسی اور تکنیکی رابطے مزید تیز ہو گئے۔

عراقی وزیرِ اعظم محمد شیاع السودانی کے مئی 2025  میں ترکیہ کے سرکاری دورے کے دوران اعلیٰ سطحی تزویراتی تعاون کونسل کا چھٹا اجلاس منعقد ہوا اور 11 تزویراتی دستاویزات پر دستخط کیے گئے۔