ترک صدر رجب طیب ایردوان کے دستخط شدہ صدارتی فرمان کے بعد نئے وزیرِ انصاف اور وزیرِ داخلہ مقرر کیے ہیں جو سرکاری گزٹ میں شائع ہوئے۔

فرمان کے مطابق، استنبول کے چیف پبلک پراسیکیوٹر اکین گورلیک کو وزیرِ انصاف کے طور پر یلماز تنج کی جگہ مقرر کیا گیا، جبکہ ارض روم کے گورنر مصطفی چفتچی کو وزیرِ داخلہ تعینات کیا گیا جو علی یرلی قایا  کی جگہ لیں گے۔

یہ تقرریاں ترک آئین کے آرٹیکل 104 اور 106 کے تحت کی گئی ہیں۔

اعلانات کے بعد علی یرلیکایا نے تصدیق کی کہ انہوں نے وزارت داخلہ کی ذمہ داریاں  مصطفی چفتچی کو سپرد کر دی ہیں اور انہوں نے  نئے وزیر کے لیے کامیابی کی خواہش کا اظہار کیا۔

ایک سوشل میڈیا بیان میں یرلی قایا نے کہا کہ وہ صدر ایردوان کی منظوری کے ساتھ 4 جون 2023 سے وزیرِ داخلہ کے طور پر خدمات انجام دے رہے تھے انہوں نے  اپنے دور فرائض کے دوران صدر کے تعاون پر ان کا شکریہ ادا کیا۔

انہوں نے عوامی نظم و امان اور سلامتی کو یقینی بنانے میں وزارتِ داخلہ کے عملے کی خدمات کے لیے بھی شکریہ ادا کیا اور اپنے پیغام کا اختتام  نئے  وزیر  کے لیے نیک خواہشات کے ساتھ کیا۔

یلماز تنج نے بھی اکن گورلیک کی وزیرِ انصاف تقرری کے بعد الوداعی پیغام جاری کیا۔

ٹنچ نے کہا کہ صدر ایردوان کے ساتھ خدمات انجام دینا اور حکمران جماعت کے سیاسی سفر میں حصہ ڈالنا ان کے لیے باعثِ فخر رہا، اور انہوں نے کہا کہ جون 2023 میں بطور وزیرِ انصاف ان کی تعیناتی ایک بڑی ذمہ داری تھی۔

انہوں نے ایردوان کی قیادت میں گزشتہ 23 برسوں کے دوران جمہوریت اور قانون کی حکمرانی کو مضبوط کرنے کے لیے کیے گئے اصلاحاتی اقدامات کو نمایاں کیا اور کہا کہ وہ آئندہ کرداروں میں بھی ملک کے لیے کام کرتے رہیں گے۔

تنج نے اکن گورلیک کو مبارکباد دی اور ان کی نئی ذمہ داری کے لیے کامیابی کی دعا کی۔

یہ تقرریاں سرکاری گزٹ میں شائع ہونے کے فوراً بعد نافذالعمل ہو گئی ہیں