ریاض میں ہونے والیے ایک اجلاس کے دوران ترکیہ نے شام میں داعش کے خلاف جنگ میں ایک متحدہ اور مربوط طریقۂ کار اپنانے کا مطالبہ کیا، اور شام کے انسداد دہشت گردی کے کردار کو مضبوط کرنے کی ضرورت پر زور دیا۔

ترکیہ  کے  نائب وزیر خارجہ  موسی کوُلاکلی کایا نے داعش کے خلاف عالمی اتحاد کے سیاسی ڈائریکٹرز کی ملاقات میں انقرہ کا موقف واضح کیا۔

اپنے خطاب میں کولاکلی کایا نے زور دیا کہ شام میں جنگ بندی اور انضمام کے عمل کو ملک کی علاقائی سالمیت اور یکجہتی کی بنیاد پر مکمل کرنا ضروری ہے۔

انہوں نے اس بات پر بھی زور دیا کہ یہ اقدامات ترکیہ کی قومی سلامتی کی ترجیحات کے مطابق آگے بڑھنے چاہئیں۔

نائب وزیر خارجہ نے یہ بھی تاکید کی کہ اتحاد کے رکن کی حیثیت سے شام کو داعش کے خلاف جنگ میں واحد جائز فریق کے طور پر تسلیم کیا جانا چاہیے۔

انہوں نے کہا کہ شام کی انسداد دہشت گردی صلاحیتوں کو مضبوط بنانا طویل المدتی استحکام اور اس گروپ کے خلاف جنگ میں مستقل مؤثریت کو یقینی بنانے کے لیے ضروری رہتا ہے۔

کولاکلی قایا نے مزید کہا کہ اتحاد کے فریم ورک کے اندر مربوط اور جامع نقطۂ نظر خطے بھر میں دیرپا حفاظتی نتائج کے حصول میں مدد دے گا۔

داعش کے خلاف عالمی اتحاد بین الاقوامی شراکت داروں کی سیاسی اور عسکری کوششوں کو مربوط کرنے کے لیے منعقد ہوتا ہے جس کا مقصد اس دہشت گرد تنظیم کا مقابلہ کرنا ہے