سوڈان کے شمال میں دریائے نیل میں ایک مسافر فیری بوٹ الٹنے کے نتیجے میں 15 افراد ہلاک ہوگئے ہیں۔

سوڈان کے ڈاکٹرگروپ کے بروز  بدھ جاری کردہ  بیان کے مطابق  عورتوں، بچوں اور بوڑھوں سمیت  27 سے زائد مسافروں پر مشتمل کشتی   شندی کے علاقے طیبہ الخواد اور ڈیم القری کے درمیان سفر کر رہی تھی۔

ڈاکٹروں کے گروپ  نے کہا  ہےکہ اب تک 15 لاشیں نکالی جا چکی ہیں اور 6 افراد کو بچا لیا گیا ہے۔ مقامی باشندے اور امدادی  ٹیمیں لاپتہ افراد کی تلاش جاری رکھے ہوئے ہیں۔

بیان کے مطابق  یہ المیہ غیر محفوظ دریائی نقل و حمل کو اور بنیادی حفاظتی اقدامات کی کمی کو واضح کرتا ہے۔ علاوہ ازیں ابتدائی گھنٹوں میں مقامی حکام اور امدادی ٹیموں کی جائے حادثہ پر عدم موجودگی پربھی زور دیا گیا ہے۔

ڈاکٹروں نے متعلقہ حکام سے فوری طور پر ماہر امدادی ٹیموں کو علاقے میں بھیجنے اور ضروری  سامان روانہ کرنے کا مطالبہ کیا اور   کہا ہے کہ  فوری  مداخلت نہ ہونے  سے  'سانحے کے قد و کاٹھ' میں اضافہ ہو گیا ہے۔

مزید  کہا گیا ہے کہ ایسے سانحوں کے سدّباب کے لئے فوری اقدامات کر کے  دریائی نقل و حمل کی حفاظت کو یقینی بنایا جا ئے ۔