جرمن چانسلر فریڈرک مرز نے کہا ہے کہ عالمی ہلچل کو پیش نظر رکھا جائے تو یورپیوں کو زیادہ خودمختار ہونے کی ضرورت ہے۔
مرز نے بروز پیر 'ایش بورن' قصبے میں فرینکفرٹ اسٹاک ایکسچینج کے سال نو استقبالیے میں شرکت کی اور تقریب سے خطاب میں کہا ہے کہ " اس وقت ہم، بظاہر سیاسی غیر یقینی اور عدم استحکام کے ایک گھمبیر ترین دور سے گزر رہے ہیں اوربلاشبہ یہ ایک نہایت حساس موڑ ہے۔ یہ دور ماضی سے علیحدگی کا دور ہے"۔
انہوں نے کہا ہے کہ اس وقت یورپی ایک ایسی دنیا کا تجربہ کر رہے ہیں جس میں قواعد و ضوابط کی پابندی کی بجائے طاقت کی سیاست پر کاربند طاقتیں دوبارہ ابھر رہی ہیں "۔
مرز نے کہا ہے کہ جرمنی، یورپ کو متحد کر کےزیادہ خودمختار بنانے میں مرکزی کردار ادا کر سکتا ہے۔اگر ہم بحیثیت یورپی متحد اور پرعزم شکل میں حرکت کریں تو دنیا میں تبدیلی لا سکتے اور اپنی توقعات سے زیادہ حاصل کر سکتے ہیں "۔
مرز نے کہا ہےکہ ایک خودمختار، آزاد، پُرامن اور اقتصادی حوالے سے خوشحال یورپ کا راستہ کُشادہ ہے۔یورپ کو اپنے دفاع کے قابل بننا، یورپی معیشت کے لیے کام کے حالات کو دوبارہ زیادہ مسابقتی بنانا اور ٹیکنالوجی کے لحاظ سے زیادہ خودمختار ہونا پڑے گا۔
جرمن چانسلر فریڈرک مرز نے کہا ہے کہ "ٹرانس اٹلانٹک تعلقات تبدیل ہو چکے ہیں لہٰذا پرانے وقت کی یادیں ہماری مدد نہیں کرسکتیں۔ اگر ہم، عالمی تبدیلی کے اس مرحلے میں کردار ادا کرنا چاہتے ہیں تو ہمیں ان معاملات کو قابو میں کرنا ہوگا"۔
