وینیزویلا کی حکومت نے کہا ہے کہ  نگراں  صدر ڈیلسی روڈریگِز کی امریکی ایلچی لورا ڈوگو سے ملاقات ہوئی ہے، جب کہ دونوں ممالک بتدریج وہ دوطرفہ تعلقات بحال کر رہے ہیں جو 2019 میں منقطع ہو گئے تھے۔

حکومت نے پیر کو جاری کردہ ایک بیان میں کہا کہ ملاقات میرَافلورِس صدارتی محل میں ہوئی اور اس کا محور جمہوریہ بولیواریہ وینیزویلا اور ریاستہائے متحدہ امریکہ کے درمیان اموری ایجنڈے  پر گفتگو تھی۔

بیان کے مطابق، روڈریگِز کے بھائی اور  قومی اسمبلی کے  اسپیکر  ہورخے روڈریگِز  اور  ساتھ ہی وزیر خارجہ ایوان گِل بھی موجود تھے۔

ڈوگو بھی کاراکاس پہنچنے کے بعد اختتام ہفتہ پر ایوان گِل سے ملاقات کر چکی تھیں۔

 بیان میں کہا گیا  ہے کہ وینیزویلا اور امریکہ کی حکومتوں نے دو طرفہ مفاد کے امور کو سفارتی گفت و شنید کے ذریعے، باہمی احترام اور بین الاقوامی قانون کی بنیاد پر حل کرنے کے لیے  اقدامات کا آغاز کیا ہے ۔

یہ ملاقات دونوں ممالک کے درمیان مہینوں کی بڑھتی ہوئی کشیدگی کے بعد ہوئی ہے۔

گزشتہ ماہ امریکہ نے وینیزویلا کے صدر نکولس مادورو کو اغوا کر لیا تھا  جس نے متعدد سیاسی تبدیلیاں متحرک کر دی تھیں، جن میں روڈریگِز کا عارضی صدر کے طور پر حلف اٹھانا، وینیزویلا کے تیل کے قانون میں اصلاحات کی منظوری اور کچھ سیاسی قیدیوں کی رہائی شامل ہے۔

روڈریگِز نے کہا ہے کہ وہ امریکہ کے ساتھ متعادل اور باعزت بین الاقوامی تعلقات چاہتی ہیں، جبکہ امریکی صدر ڈونلڈ ٹرمپ نے کہا ہے کہ عبوری حکومت کے ساتھ تعلقات اچھی پیش رفت کر رہے ہیں۔

دونوں ممالک ایک ایسے معاہدے پر بھی پہنچے ہیں جو وینیزویلا کی خام تیل کی امریکہ کو دو ارب ڈالر مالیت تک برآمد کی اجازت دیتا ہے۔

جمعہ کو، روڈریگِز نے سینکڑوں قیدیوں کے لیے  عام معافی کےقانون کا اعلان کیا، یہ ایک اقدام ہے جس کا طویل عرصے سے مطالبہ اپوزیشن رہنماؤں اور انسانی حقوق کے گروپوں کی جانب سے کیا جا رہا تھا ۔۔۔