امریکی صدر ڈونلڈ ٹرمپ نے کہا ہے کہ یوکرین کو "محاذ جنگ کی حدوں پر رک جانا چاہیے" اور روس کے ساتھ اپنی جنگ ختم کرنی چاہیے، اور یہ تجویز دی ہے کہ کیف موجودہ علاقائی صورتحال کو مستقبل کے مذاکرات کی بنیاد کے طور پر قبول کرے۔
اتوار کے روز واشنگٹن واپسی پر صحافیوں سے بات کرتے ہوئے، ٹرمپ نے کہا کہ ان کی جمعہ کو یوکرینی صدر وولودیمیر زیلنسکی کے ساتھ ایک "خوشگوار" ملاقات ہوئی اور ان خبروں کی تردید کی کہ انہوں نے کیف کو پورے دونباس علاقے کو ماسکو کے حوالے کرنے کا مشورہ دیا تھا۔
انہوں نے کہا "نہیں، ہم نے اس پر کبھی بات نہیں کی۔"
انہوں نے مزید کہا، "انہیں وہیں رک جانا چاہیے جہاں محاذ جنگ کی حدیں ہیں۔"
انہوں نےدونباس علاقے کے بارے میں کہا کہ "78 فیصد زمین پہلے ہی روس کے قبضے میں ہے،" اور کہا کہ یوکرین "کچھ مدت بعد اس موضوع پر مذاکرات کر سکتا ہے" لیکن فوری طور پر لڑائی بند کرنا اولین ترجیح ہونی چاہیے۔
دونباس کا علاقہ، جس میں دونیتسک اور لوہانسک شامل ہیں، 2014 سے تنازعات کا گھڑ رہا ہے، جب روسی حمایت یافتہ علیحدگی پسندوں نے ماسکو کی جانب سے کریمیا کے الحاق کے بعد علیحدگی پسند جمہوریہ کا اعلان کیا تھا۔
بعد میں روسی افواج نے فروری 2022 میں ایک "خصوصی آپریشن" شروع کرنے کے بعد اس علاقے کے زیادہ تر حصے کو اپنے زیر کنٹرول لے لیا تھا۔
