مغرب صمود  فلوٹیلا نے بحیرہ روم میں اس کی ایک کشتی کے اوپر نامعلوم اصل کے تین ڈرونز کی اطلاع دی ہے۔

گلوبل صمود فلوٹیلا کے مغرب بیڑے کے ترجمان وائل ناور نے گزشتہ  روز فیس بک پر کہا کہ "تین ڈرون ہمارے اوپر اڑ رہے ہیں اور ان میں سے ایک بہت قریب آ گیا ہے۔"

ناور نے کہا کہ دوسرا ڈرون دیر یاسین کشتی کے اوپر دیکھا گیا ، جو تیونس کے بحری جہازوں میں سے ایک ہے ، جس نے ہفتے کے روز اسی طرح کی ڈرون سرگرمی کی اطلاع دی ہے۔

مغرب کا بیڑا تقریبا 50 بحری جہازوں پر مشتمل گلوبل صمود فلوٹیلا کا حصہ ہے ، جس میں شمالی افریقہ سے 23  جبکہ دیگر پر   یورپ ، لاطینی امریکہ ، امریکہ ، پاکستان ، بھارت اور ملائیشیا سے   رضاکارشامل ہیں۔

غزہ تک پہنچنے کے لیے یہ اپنی نوعیت کی سب سے بڑی کوشش ہے، جہاں 24 لاکھ فلسطینی 18 سال سے جاری اسرائیلی ناکہ بندی اور نسل کشی کے تحت زندگی گزار رہے ہیں۔

اس سے قبل اسرائیل غزہ جانے والے بحری جہازوں کو روک چکا ہے، جہازوں کو ضبط کر چکا ہے اور جہاز میں سوار افراد کو ملک بدر کر دیا ہے۔

اقوام متحدہ کے تفتیش کاروں نے حال ہی میں یہ نتیجہ اخذ کیا ہے کہ اسرائیل غزہ میں نسل کشی کر رہا ہے، جہاں اکتوبر 2023 سے اب تک 65,000 سے زیادہ افراد ہلاک ہو چکے ہیں