انڈونیشیا میں سیلاب اور لرزشِ اراضی کے باعث آفات کے حکام کے اعداد و شمار کے مطابق 200 سے زائد افراد ہلاک ہو چکے ہیں۔

جمعہ کی شب مغربی سُماترا علاقائی آفات تخفیف ایجنسی کے ترجمان الہام وہاب نے کہا: "آج  شب مزید 61 اموات ریکارڈ کی گئی  ہیں اور 90 افراد کی تلاش جاری ہے"۔

ایجنسی کے جاری کردہ اعداد و شمار کے مطابق، شمالی سُماترا میں مزید 116 افراد ہلاک ہوئے، جبکہ اےچے صوبے میں کم از کم 35  ہلاکتوں کی اطلاعات  ہیں۔

قومی ادارہ برائے آفات کے سربراہ سوہاریانتو نے اس سے قبل  کہا تھا کہ شمالی سُماترا سب سے زیادہ متاثرہ صوبہ ہے۔ آفت کی تباہ کاریاں اپنے چوتھے دن میں ہیں اور تلاش کے آپریشن مشکل زمینی حالات، نقصان زدہ رسائی راستوں اور خراب موسمی حالات کی وجہ سے متاثر ہو رہے ہیں۔

کئی متاثرہ علاقے اب بھی ناقابلِ رسائی ہیں، اور حکام کو خدشہ ہے کہ ہلاکتوں کی تعداد بڑھ سکتی ہے۔

انہوں نے خبردار کیا: "ابھی بھی ایسے مقامات ہیں جہاں ہم رسائی حاصل نہیں کر سکے، اور وہاں اضافی متاثرین کے خدشات قوی  ہیں۔"

امدادی ٹیمیں زمین اور فضا سے کاروائیاں کر رہی ہیں، تاہم مشکل زمینی راستے بھاری مشینری کی تعیناتی میں رکاوٹ بن رہے ہیں۔

مقامی حکام کے ساتھ رابطہ جاری ہے تاکہ ہلاکتوں کے بارے میں تازہ معلومات فراہم کی جا سکیں اور اہم لاجِسٹک ضروریات کو پورا کیا جا سکے۔

عہدیداروں نے علاقائی حکومتوں پر زور دیا ہے کہ وہ سب سے زیادہ مصروف انخلا مراکز پر طبی اسٹیشنز اور عوامی کچن جلد قائم کریں۔