مانچسٹر یونائیٹڈ کے ارب پتی شریک مالک جم ریٹ کلف نے جمعرات کو کہا تھا کہ برطانیہ 'مہاجرین کے ذریعے نوآباد' ہوا ہے؛ اس بیان کے بعد انہوں نے 'کچھ لوگوں کو ناراض کرنے' پر معذرت کی، مگر ساتھ ہی کہا کہ امیگریشن کے بارے میں 'کھلی بحث' ضروری ہے۔

برطانوی وزیر اعظم کیئر اسٹارمر نے ان کے بیانات کو 'توہین آمیز اور غلط' قرار دیتے ہوئے ان پر تنقید کی۔

ریٹ کلف نے کہا''مجھے افسوس ہے کہ میری زبان کے انتخاب نے برطانیہ اور یورپ میں بعض لوگوں میں ناراض گی  اور تشویش پیدا کی، لیکن یہ اہم ہے کہ با ضابطہ اور   منظم طریقے سے  امیگریشن کے مسئلے کو اٹھایا جائے جو معاشی ترقی کی حمایت کرے۔''

مانچسٹر یونائیٹڈ نے براہ راست ریٹ کلف کے بیانات کا جواب نہیں دیا، مگر کہا کہ وہ خود کواس میں شامل  ہونے پر فخر محسوس کرتا ہے۔

ان کے ابتدائی بیانات پر مداح گروہوں اور نسل پرستی کے خلاف تنظیموں کی طرف سے تنقید ہوئی۔

انہوں نے اسکائی نیوز سے کہا کہ''آپ ایک ایسی معیشت نہیں رکھ سکتے جس میں 9 ملین لوگ بینیفٹس پر ہوں اور مہاجرین کی بڑی تعداد آ رہی ہو۔ میرا مطلب ہے، برطانیہ نوآباد ہو چکا ہے۔ یہ بہت زیادہ خرچ کر رہا ہے۔ برطانیہ حقیقتاً مہاجرین کے ذریعے نوآباد ہوا ہے، ہے نا؟'' ۔

انہوں نے یہ بھی غلط طور پر دعویٰ کیا کہ پانچ سال میں برطانیہ کی آبادی 12 ملین بڑھ گئی ہے۔ دفتر برائے قومی اعداد و شمار (Office for National Statistics) کے اعداد و شمار بتاتے ہیں کہ اضافہ صرف 2.7 ملین ہے، جو 66.7 ملین سے بڑھ کر 69.4 ملین ہوئی  ہے۔