صدر رجب طیب اردوان نے پوپ فرانسس کے انتقال پر گہرے دکھ کا اظہار کیا ہے۔
انہوں نے سوشل میڈیا پلیٹ فارم 'ایکس' پر لکھا ہے کہ "مجھے کیتھولک دنیا کے پیشوا ویٹیکن کے سربراہ پوپ فرانسس کے انتقال کی خبر سن کر گہرا دکھ ہوا۔"
ایردوان نے غزہ میں نسل کشی اور فلسطین کے مسئلے پر پوپ فرانسس کی کوششوں کو سراہتے ہوئے کہا: "پوپ فرانسس ایک ممتاز سیاستدان اور رہنما تھے جو مختلف مذاہب کے درمیان مکالمے کو اہمیت دیتے تھے۔ انہوں نے انسانی المیوں، خاص طور پر فلسطینی مسئلے اور غزہ میں نسل کشی کے معاملے پر پہل کی۔"
انہوں نے پوپ کے خاندان، ویٹیکن ریاست اور کیتھولک عوام سے اپنی اور ترک قوم کی جانب سے تعزیت کا اظہار کیا۔
ترک محکمہ مذہبی امور کے سربراہ علی ایرباش نے بھی دنیا بھر کے کیتھولک طبقے اور ترکیہ میں مقیم طبقے سے تعزیت کی۔
ایرباش نے 13 اپریل 2024 کو ویٹیکن کے اپنے دورے کو یاد کرتے ہوئے کہا کہ اس موقع پر انہوں نے اور پوپ نے غزہ میں مصائب کے خاتمے کے لیے مشترکہ اپیل کی تھی۔
انہوں نے 'ایکس' پر کہا: "ہم نے مل کر پوری انسانیت سے اپیل کی کہ غزہ میں جاری نسل کشی کو ختم کرنے کے لیے اقدامات کریں۔"
انہوں نے غزہ میں ان حملوں پر گہرے دکھ کا اظہار کیا جن میں مساجد، گرجا گھروں، بچوں، خواتین اور بے گناہ افراد کو بلا تفریق نشانہ بنایا گیا۔
ترک نائب صدر نے بھی ویٹیکن اور کیتھولک دنیا سے تعزیت کی۔
جودت یلماز نے کہا: "دنیا کے ضمیر کو زخمی کرنے والے متعدد انسانی بحرانوں کے مقابلے میں ان کا حساس رویہ، خاص طور پر غزہ میں نسل کشی اور فلسطینی عوام کو درپیش ناانصافیوں کے خلاف ان کا واضح اور مضبوط موقف، ان کی قیادت کی ایک مثال کے طور پر یاد رکھا جائے گا جو عالمی اقدار کو ترجیح دیتی ہے۔"
کے انتقال کا اعلان کیا۔
