ترکیہ وزارت دفاع کے جاری کردہ بیان کے مطابق  ایران سے فائر کئے گئے اور عراق و شام کی فضائی حدود عبور کرنے کے بعد ترکیہ کی فضائی حدود کا رُخ کرنے والے بیلسٹک میزائل کو مشرقی بحیرہ روم میں نصب نیٹو فضائی سسٹم  اور میزائل دفاعی سسٹم نے بروقت نشانہ بناکر تباہ کر دیا ہے۔

حطائےمیں گرنے والے ٹکڑے  فضائی دفاعی سسٹم  کے ایمونیشن ٹکڑے   ہیں

مذکورہ خطرے کو رفو کرنے کے بعد  ترکیہ کے ضلع حطائے کی تحصیل دورت یول  میں گرنے والے ٹکڑوں سے متعلق جاری کردہ  بیان میں کہا گیا ہے کہ  " ضلع حطائے کی تحصیل دورت یول میں گرنے والے ایمونیشن ٹکڑے میزائل کو فضاء میں تباہ کرنے والے فضائی دفاعی نظام کے گولہ بارود کے ٹکڑے   ہیں۔ واقعے میں کوئی جانی نقصان نہیں   ہوا  اور کسی کے  زخمی ہونے کی بھی  اطلاع نہیں ملی" ۔

بیان میں کہا گیا ہے کہ " خطرہ خواہ کسی طرف سے  بھی آئے اس کا جواب دیا جائے گا"۔

 بیان میں اس بات پر زور دیا گیا ہے کہ ترکیہ، علاقائی استحکام اور امن کے حق میں ہے۔ ترکیہ ملکی و عوامی سلامتی کو یقینی بنانے کے لئے پُر عزم ہے  اوراس کی اعلیٰ صلاحیت رکھتا ہے۔

بیان میں کہا گیا ہے کہ “خطرہ خوہ کسی کی طرف سے بھی ہو اور کہیں سے بھی آئے ہم اپنی زمین اور شہریوں کی سلامتی کو یقینی بنانے کے قابل ہیں ۔ اپنی  فضائی حدود کے دفاع کے لیے کوئی بھی قدم فیصلہ کن  شکل میں اور بلا جھجک اٹھایا جائے گا۔ ہم آپ کو یاد دلاتے ہیں کہ ہم اپنے ملک کے خلاف کسی بھی مخاصمانہ رویے کا جواب دینے کا حق محفوظ رکھتے ہیں"۔

 علاقائی تنازعے کی وارننگ

 بیان میں تمام فریقین سے تنازعات کو پھیلانے کا سبب بننے والے  اقدامات سے گریز کرنے کا مطالبہ کیا گیا اور کہا گیا ہے کہ نیٹو اور دیگر اتحادیوں کے ساتھ مشاورت اسی تناظر میں جاری رہے گی۔

فیدان ۔ عراقچی ملاقات

وزیر خارجہ خاقان فیدان کی ایران کے وزیر خارجہ عباس عراقچی سے ٹیلیفون ملاقات کی ہے۔

سفارتی ذرائع سے موصول  معلومات کے مطابق ٹیلی فونک ملاقات میں وزیر خارجہ خاقان فیدان نے ایران سے فائر کئے گئے بیلسٹک میزائل کی  ترکیہ کی فضائی حدود میں داخل ہونے کی نشاندہی اور بعد ازاں اس ناکارہ بنائے جانے کا ذکر کیا اور اس پر   ترکیہ کے ردعمل کا اظہار کیا ہے۔  فیدان نے خطے میں کشیدگی کی طرف توجہ دلائی اور زور دیا ہے  کہ کوئی بھی ایسا قدم جو تنازعات کے پھیلنے کا باعث بنے اُسے روکا جانا چاہیے۔