یوکرین کے صدر ولادیمیر زیلنسکی نے جنگ کے خاتمے کے امریکی منصوبے کی سختی سے مخالفت کرتے ہوئے کہا کہ اس سے یوکرین کے پاس دو تکلیف دہ متبادل ہیں: یا تو اپنی عزت قربان کر دیں یا واشنگٹن کے ساتھ اپنے تعلقات کو خطرے میں ڈالیں۔
امریکی صدر ڈونلڈ ٹرمپ نے کیف کو معاہدے پر دستخط کرنے کے لیے ایک ہفتے سے بھی کم وقت دینے کے بعد، زیلنسکی نے کہا کہ وہ اس بات کو یقینی بنانے کے لیے کام کریں گے کہ کسی بھی معاہدے کو یوکرین کے بنیادی مفادات کا تحفظ ہو اور اسے "غداری" کے طور پر بیان کرنے سے گریز کیا جائے۔

انہوں نے موجودہ ایام کو یوکرین کی تاریخ کے سب سے مشکل لمحات قرار دیتے ہوئے کہا کہ ملک پر دباؤ غیر معمولی ہے۔

زیلنسکی نے کہا کہ وہ ٹرمپ کے 28 نکاتی منصوبے کے متبادل تجاویز پیش کریں گے۔

کیف اور اس کے یورپی اتحادی اس تجویز پر حیران رہ گئے — جس کے تحت یوکرین کو زمین چھوڑنی پڑ سکتی ہے، اپنی فوج کم کرنی پڑے گی اور کبھی نیٹو میں شمولیت نہ کرنے کا وعدہ کرنا ہوگا۔

منصوبے کے مسودے کے مطابق، روس کو علاقوں کا حصول ہوگا، اسے عالمی معیشت میں دوبارہ شامل کیا جائے گا اور جی8 میں دوبارہ شمولیت کا راستہ کھلے گا۔

زیلنسکی نے فروری 2022 میں روسی حملے کے ردِعمل میں کیف کی قیادت کو یاد کرتے ہوئے کہا: 'ہم نے اُس وقت یوکرین کو دھوکہ نہیں دیا، ہم اب بھی ایسا نہیں کریں گے۔'

انہوں نے مزید کہا"میں دلائل پیش کروں گا، قائل کروں گا، متبادل پیش کروں گا۔"

دریں اثنا، جمعہ کو ٹرمپ نے یوکرین پر زور دیا کہ وہ اُن کی انتظامیہ کے منصوبے کو قبول کرے اور کہا کہ کیف میں اُن کے ہم منصب  کو"اسے پسند کرنا پڑے گا"۔

ٹرمپ نے صحافیوں کے" زیلنسکی کے غیر پرجوش ردِعمل کے بارے میں سوال " کا  جواب دیتے ہوئے کہ"اُسے پسند کرنا پڑے گا، اور اگر وہ اسے پسند نہیں کرتا تو، وہ لڑتے رہیں،کسی نہ کسی مرحلے پر اسے کچھ قبول کرنا  ہی پڑے گا۔"

یورپی طاقتوں کی طرف سے  یوکرین کی حمایت کا عہد

زیلنسکی نے امریکہ کے نائب صدر جے ڈی وینس کے ساتھ بات چیت کے بعد کہا کہ یوکرین اب بھی ٹرمپ کی جنگ ختم کرنے کی خواہش کا 'احترام' کرتا ہے۔

انہوں نے جرمن، فرانسیسی اور برطانوی رہنماؤں کے ساتھ بھی ہنگامی رابطہ کیا۔

ان کے دفتر نے کہا ہے کہ یوکرینی رہنما جلد ہی براہِ راست ٹرمپ سے بات کریں گے۔

امریکی منصوبہ ماسکو کے زیرِ کنٹرول علاقوں کو 'عملی طور پر' روسی تسلیم کرنے کا تصورپیش کرتا ہے، جس کے تحت کیف دونتسک کے بعض حصوں سے اپنی افواج واپس بلائے گا۔

کیف اپنی فوج کی تعداد 600,000 تک محدود کرے گا، نیٹو میں شمولیت کا امکان خارج کرے گا اور اس کی سرزمین پر نیٹو کی کوئی فورس تعینات نہیں ہوگی۔

اس کے بدلے میں، یوکرین کو غیر معین 'قابلِ اعتماد سیکیورٹی ضمانتیں' دی جائیں گی اور تعمیرِ نو کے لیے ایک فنڈ بنایا جائے گا جس میں کچھ ایسے روسی اثاثے شامل کیے جائیں گے جو بیرونِ ملک کے کھاتوں میں منجمد ہیں۔

زیلنسکی کے ساتھ ایک کال میں، اہم اتحادی برطانیہ، فرانس اور جرمنی نے مشترکہ بیان میں کہا کہ وہ "ایک دیرپا اور منصفانہ امن کے راستے پر یوکرین کی غیر متزلزل اور مکمل حمایت" پر زور دیتے ہیں۔