اقوامِ متحدہ کی جنرل اسمبلی نے، ایک آزاد ریاستِ فلسطین  قائم کرنے کے حق سمیت فلسطینی عوام کے حقِ خودارادیت کی تصدیق پر مبنی قرارداد کو بھاری اکثریت سے  منظور کر لیا ہے ۔

164 رکن ممالک نے قرارداد کے حق میں اور اسرائیل، امریکہ، مائکرونیشیا، ارجنٹائن، پیراگوئے، پاپوا نیو گنی، پلاؤ اور ناؤرو  پر مشتمل  آٹھ ممالک  نےقرارداد کے خلاف ووٹ کا استعمال کیاہے۔

جنرل اسمبلی کے "عواموں کے حقِ خودارادیت" ایجنڈے کے تحت قبول کی گئی اس  قرارداد میں فلسطینی عوام کے، اپنی سیاسی حیثیت کے آزادانہ تعین کے اور  اقتصادی، سماجی اور ثقافتی ترقی  جاری رکھنے کے، حق کو تسلیم کرنے پر مبنی دیرینہ اقوامِ متحدہ موقف پر دوبارہ زور دیا گیا ہے۔

متن نے اقوام متحدہ کے چارٹر سمیت سابقہ اقوامِ متحدہ قراردادوں اور بین الاقوامی قانونی دستاویزات اور بین الاقوامی انسانی حقوق کے عہدناموں کی یاد دہانی کروائی  اور اس بات پر زور دیا ہے کہ حقِ خودارادیت بین الاقوامی قانون کا ایک بنیادی اصول ہے۔

قرارداد نے تمام ممالک، اقوامِ متحدہ کی ایجنسیوں اور اقوامِ متحدہ کے اندر موجود اداروں سے اپیل کی ہے کہ فلسطینی عوام کے حق کو فی الفور  عملی شکل دینے کے لئے تعاون اور امداد کو جاری رکھا جائے۔

علاوہ ازیں  قرارداد نے  بشمول مشرقی یروشلم پورے مقبوضہ فلسطینی علاقے کی زمینی وحدت، سالمیت اور دائمی حیثیت  کے احترام کی ضرورت پر زور دیا ہے۔

قرارداد کی مدد سے  بین الاقوامی قانون اور اقوامِ متحدہ  کی متعلقہ قراردادوں کی بنیاد پر ایک منصفانہ، دیرپا اور جامع امن کی حمایت  کا اعادہ کیا گیا ہے۔