آسٹریلوی حکام اور مقامی میڈیا کے مطابق، اتوار کو سڈنی کے مشہور بونڈی بیچ پر ایک فائرنگ میں کم از کم 12 افراد ہلاک اور کئی زخمی ہو گئے۔
نیو ساؤتھ ویلز پولیس نے بھیڑ بھاڑ والے ساحل پر فائرنگ کے بعد متعدد ہلاکتوں کی تصدیق کی، اور مزید کہا کہ دو مشتبہ افراد کو گرفتار کیا گیا۔ آسٹریلین براڈکاسٹنگ کارپوریشن (اے بی سی) نے رپورٹ کیا کہ دو مبینہ مسلح افراد میں سے ایک کو پولیس نے گولی مار کر ہلاک کر دیا، جبکہ دوسرے مشتبہ شخص کو حراست میں لے لیا گیا اور اس کی حالت نازک ہے۔
نیو ساؤتھ ویلز کے وزیر اعلیٰ کرس منز نے مختصر اپ ڈیٹ میں کہا کہ بونڈی فائرنگ میں بارہ افراد ہلاک ہو گئے ۔ پولیس نے اس سے پہلے 10 متاثرین کی موت کی تصدیق کی تھی لیکن ان کی شناخت یا فائرنگ سے پہلے کے حالات کی تفصیلات فوری طور پر فراہم نہیں کی تھیں۔
ایمرجنسی سروسز نے کہا کہ حملے کے بعد کم از کم 13 افراد کو ہسپتال منتقل کیا گیا۔ ان کی چوٹوں کی شدت ظاہر نہیں کی گئی ہے۔
آسٹریلوی وزیر اعظم انتھونی البانیز نے فائرنگ کو چونکا دینے والا اور پریشان کن قرار دیا اور کہا کہ پولیس اور ایمرجنسی حکام جانیں بچانے کے لیے کام کر رہے ہیں۔
البانیز نے اپنے دفتر کی جانب سے جاری کردہ بیان میں کہا کہ میرے خیالات ہر متاثرہ شخص کے ساتھ ہیں، میں آس پاس کے لوگوں سے درخواست کرتا ہوں کہ نیو ساؤتھ ویلز پولیس کی معلومات پر عمل کریں۔"
اس سے قبل، پولیس نے عوام سے درخواست کی تھی کہ وہ اس علاقے سے دور رہیں اور چونکہ آپریشن جاری ہے پناہ لیں۔
بونڈی بیچ، جو سڈنی کے مشرقی مضافات میں واقع ہے، آسٹریلیا کے سب سے مشہور سیاحتی مقامات میں سے ایک ہے اور عام طور پر خاص طور پر ویک اینڈز پرتیراکوں، سرفرز اور زائرین سے بھرا رہتا ہےحکام نے کہا کہ صورتحال قابو میں ہے لیکن خبردار کیا کہ تحقیقات جاری ہیں اور مزید اپ ڈیٹس متوقع ہیں
