وینزویلا کی اپوزیشن لیڈر ماریا کورینا ماچادو نے کہا ہے کہ انہوں نے وائٹ ہاؤس میں ملاقات کے دوران امریکی صدر ڈونلڈ ٹرمپ کو ذاتی طور پر اپنا کا نوبل امن انعام کا تمغہ پیش کیا۔
ماچادو نے صحافیوں کو بتایا کہ میں نے صدر سے کہا کہ 200 سال پہلے جنرل مارکیز ڈی لافایٹ نے سائمن بولیوار کو جارج واشنگٹن کی شبیہ والا تمغہ دیا تھا جو کہ بولیوار نے تاعمر اپنے پاس رکھا۔
انہوں نے مزید کہاکہ یہ جنرل لافایٹ نے امریکہ کے عوام اور وینزویلا کے عوام کے درمیان ظلم کے خلاف جدوجہد میں بھائی چارے کی علامت کے طور پر دیا تھا، 200 سال بعد بولیوار کی عوام جارج واشنگٹن کے وارث کو ایک تمغہ واپس دے رہے ہیں ۔
ماچادو نے امریکی رہنما سے ملاقات کی جسے وائٹ ہاؤس نے مثبت قرار دیا ہے ۔
وینزویلا کے رہنما نکولس مادورو کو اغوا کرنے کے بعد ٹرمپ نے کہا ہے کہ ماچادو کو تیل سے مالا مال ملک کے عوام کی حمایت حاصل نہیں ہے اور اس کے بجائے انہوں نے مادورو کے نائب ڈیلسی روڈریگز کی حمایت کی ہے۔
ٹرمپ سے ملاقات کے بعد ماچادو جنہوں نے مادورو کی حکومت کے خاتمے کے لیے کئی سال مہم چلائی وائٹ ہاؤس کے باہر خوشی سے بھرے حامیوں سے ملاقات کی۔
اگرچہ ماچادو نے یہ تمغہ ٹرمپ کو پیش کیا تاہم ، ناروے کی نوبل کمیٹی نے کہا ہے کہ یہ تمغہ دوسروں کو منتقل نہیں کیا جا سکتا۔
کمیٹی نے X پر ایک پوسٹ میں کہا کہ ایک بار جب نوبل انعام اعلان ہو جائے تو اسے منسوخ یا دوسروں کو منتقل نہیں کیا جا سکتا یہ فیصلہ حتمی ہے اور ہمیشہ کے لیے قائم ہے ۔
