امریکی کمبائنڈ میری ٹائم فورسز (سی ایم ایف) نے کہا ہے کہ پاک بحریہ نے بحیرہ عرب سے 97 کروڑ 20 لاکھ ڈالر سے زائد مالیت کی منشیات برآمد کر لی ہے۔

سی ایم ایف نے منگل کو ایک بیان میں کہا کہ یہ آپریشن پاک بحریہ کے جہاز پی این ایس یرموک نے کیا تھا جو سعودی قیادت میں کمبائنڈ ٹاسک فورس (سی ٹی ایف) 150 کے فوکسڈ آپریشن "المسمک" کا حصہ تھا۔

 "48 گھنٹوں کے عرصے میں ، پی این ایس یرموک نے دو جہازوں پر بورڈنگ آپریشن کیا یہ جہاز   نہ ہی جہاز  کےآٹومیٹک شناختی نظام پر ٹرانسمیشن کر رہا تھا اور نہ ہی کوئی بیرونی  علامت   ظاہر کررہا تھا ،  بعد میں دونوں کی شناخت کی گئی  تو معلوم ہوا کہ  وہ کوئی قومیت نہیں رکھتے ہیں۔

 18 اکتوبر کو ، عملہ پہلے جہاز پر سوار ہوا اور دو ٹن سے زیادہ کرسٹل میتھمفیٹامائن (آئی سی ای) ضبط کیا جس کی تخمینہ قیمت 822.4 ملین ڈالر تھی۔ بیان کے مطابق  دو دن سے بھی کم عرصے کے بعد  انہوں نے ایک اور کشتی کو روکا جس میں 140 ملین ڈالر مالیت کی 350 کلوگرام آئی سی ای اور 10 ملین ڈالر مالیت کی 50 کلوگرام کوکین تھی۔

اس میں کہا گیا ہے کہ ضبط شدہ منشیات کی جانچ کی گئی اور بعد میں اسے ٹھکانے لگایا گیا۔

 تاہم ، سی ایم ایف نے ضبطی کے صحیح مقام کا ذکر نہیں کیا۔

سی ٹی ایف 150 کے کمانڈر رائل سعودی نیول فورسز کے کموڈور فہد الجوید نے کہا کہ اس مرکوز آپریشن کی کامیابی کثیرالقومی تعاون کی اہمیت کو اجاگر کرتی ہے۔

انہوں نے مزید کہا کہ پی این ایس یرموک نے سی ایم ایف کے لیے منشیات کی سب سے کامیاب ضبطی کی ہے جس کی براہ راست وجہ تنظیم کے اندر ہماری بحری افواج کی مہارت اور تعاون ہے۔

16اکتوبر کو شروع ہونے والے آپریشن "المسمک" میں پاکستان، سعودی عرب، فرانس، اسپین اور امریکہ کی  بحریہ شامل تھی۔

کمبائنڈ میری ٹائم فورسز، جس میں 47 شراکت دار ممالک شامل ہیں، بین الاقوامی قوانین پر مبنی میری ٹائم آرڈر کو برقرار رکھنے کے لیے کام کرتے ہیں اور  3.2 ملین مربع میل کے اہم سمندری راستوں میں استحکام اور سلامتی کو یقینی بناتے ہیں۔