یوکرین کا وفد جنیوا کے لیے روانہ ہو گیا ہے، جہاں 17-18 فروری کو روس کے ساتھ امریکہ کی ثالثی میں امن مذاکرات کا ایک نیا دور متوقع ہے۔
یہ بات یوکرین کے صدارتی دفتر کے سربراہ کیریلو بودانوف نے بتائی۔
بودانوف نے ٹیلیگرام پر ایک تصویر شیئر کی، جس میں وہ خود اور وفد کے دو دیگر ارکان ایک ٹرین کی بوگی کے سامنے کھڑے دکھائی دے رہے ہیں۔
،” انہوں نے لکھا ہے کہ جنیوا کی جانب جا رہے ہیں۔ مذاکرات کا اگلا دور متوقع ہے۔ راستے میں ہم اپنے ساتھیوں کے ساتھ اپنی تاریخ کے اسباق پر بات کریں گے اور درست نتائج تلاش کریں گے۔ یوکرین کے مفادات کا تحفظ ضروری ہے
اس سال کے تین فریقی سلامتی مشاورت کا پہلا دور، جس میں روس، یوکرین اور امریکہ شامل تھے، 23-24 جنوری کو متحدہ عرب امارات کے دارالحکومت ابوظہبی میں ہواجس میں ماسکو کے مذاکراتی گروپ کی قیادت روسی فوج کے جنرل اسٹاف کے سربراہ ایگور کوستیوکوف نے کی۔
دوسرا دور اسی مقام پر 4-5 فروری کو منعقد ہوا۔
گزشتہ ہفتے کریملن کے ترجمان دیمتری پیسکوف نے اعلان کیا کہ یوکرینی تصفیے پر اگلا دور بھی روسی-امریکی-یوکرینی تین فریقی فارمیٹ میں ہوگا، اور یہ 17-18 فروری کو جنیوا، سوئٹزرلینڈ میں منعقد ہونے کا امکان ہے۔
