دنیا
2 منٹ پڑھنے
واشنگٹن: جاپان، روس سے، توانائی کی خرید بند کرے
واشنگٹن چاہتا ہے کہ جاپان روس سے توانائی خریدنا بند کر دے: وزیر خزانہ اسکاٹ بیسنٹ
واشنگٹن: جاپان، روس سے، توانائی کی خرید بند کرے
US wants Japan to stop buying Russian energy / Reuters
 

واشنگٹن نے جاپان سے مطالبہ کیا ہے کہ روس سے توانائی کی درآمدات روک دی جائیں۔

 امریکہ کے وزیر خزانہ اسکاٹ بیسنٹ نے بدھ کے روز جاری کردہ بیان میں کہا ہے کہ واشنگٹن چاہتا ہے کہ جاپان روس سے توانائی کی خرید بند کر دے۔ بیسنٹ نے مذکورہ  بیان صدر ڈونلڈ ٹرمپ کے بیان سے چند گھنٹے بعد جاری کیا ہے ۔ بیان میں صدر ٹرمپ نے دعوی کیا تھا کہ "بھارت ، ماسکو سے تیل خریدنا بند کر  دے گا"۔

بیسنٹ نے کہا کہ انہوں نے جاپان کے وزیر خزانہ' کاتسونوبو کاٹو' کے ساتھ ملاقات میں واشنگٹن کی یہ توقع ظاہر کی ہے۔

واضح رہے کہ جاپان اپنی توانائی کی ضروریات کے لیے بڑی حد تک بیرونی تیل اور گیس پر انحصار کرتا ہے۔

2023 میں، جاپان نے روسی مائع قدرتی گیس (LNG) کی درآمدات پر 582 بلین ین خرچ کیے۔ یہ مصارف  دستیاب تازہ ترین کسٹم اعدادو شمار  کے مطابق جاپان کی کل LNG درآمدات کا 8.9 فیصد تھے۔

واشنگٹن کے جاپانی میڈیا نے کہا ہے کہ "کاٹو،  بیسنٹ کے بیانات پر تبصرے سے گریز کیا ہے"۔

کاٹو نے کہا ہے کہ "میں دوسرے وزراء کے بیانات پر تبصرہ کرنے سے گریز کرنا چاہوں گا۔ہم یوکرین میں منصفانہ امن کے قیام کے لیے جی 7 ممالک کے ساتھ تعاون کی حالت میں  جو کچھ ممکن ہے کر رہے ہیں۔"

واضح رہے کہ بدھ کے روز، ٹرمپ نے کہا  تھا کہ بھارت کے وزیر اعظم نریندر مودی نے ان سے وعدہ کیا ہے کہ نئی دہلی روسی تیل کی خرید بند کر دے گا۔

ٹرمپ نے صحافیوں سے بات چیت میں کہا ہے کہ"آپ جانتے ہیں، یہ فوری طور پر ممکن نہیں ہے۔ یہ ایک عمل ہے، لیکن یہ عمل جلد مکمل ہو جائے گا۔"

قبل ازیں مودی نے کہا تھا کہ روس بھارت کا تاریخی شراکت دار ہے اور باوجودیکہ ماسکو نے یوکرین پر حملہ کیا ہے بھارت   روس سے تیل خریدنا جاری رکھے گا ۔

اگست میں، ٹرمپ نے بھارتی برآمدات پر امریکی محصولات کو بڑھا کر  50 فیصد کر دیا تھا اور ٹرمپ کے معاونین نے بھارت پر روس کی جنگ کو ہوا دینے کا الزام لگایا تھا۔

دریافت کیجیے
میں خود کو احمق محسوس کر رہا ہوں: مسک
ترکیہ کا تحقیقاتی بحری جہاز ’’اورچ رئیس‘‘ پاکستان روانہ گیا
دفاعی معاہدے کا مقصد ترکیہ اور قطر کی خودمختاری کا تحفظ کرنا ہے: ترکیہ وزارتِ دفاع
یورپی یونین کمیشن پر سائبر حملہ
ایران: ہم نے کویت میں امریکی پیٹریاٹ فضائی دفاعی نظام کو نشانہ بنایا ہے
ترکیہ: "کوپ 31 انطالیہ۔غزہ موسمیاتی راہداری" قائم کی جائے
مغربی کنارے میں غیر قانونی یہودی بستیوں کے معاملے پر آسٹریلیا کی اسرائیلی شہریوں پر پابندیاں
امریکہ کے ایران کے جزیرہ قشم پر متعدد حملے
روس:یوکرین نے ایک بار پھر کریمیا پل کو نشانہ بنایا ہے
امریکہ: ٹرمپ کے ایک تہائی سے زیادہ حامیوں نے ووٹ نہیں دیا
وزیر خارجہ حاقان فیدان: ترکیہ کے مرکزی کردار کو ہر کوئی قدر کی نگاہ سے دیکھتا ہے
ٹرمپ، ایران کے ساتھ جنگ کو لمبا نہیں ہونے دیں گے: وینس
امریکی انٹیلی جنس کا دعویٰ: ایران واشنگٹن میں ’ڈرٹی بم‘ حملے کی منصوبہ بندی کر رہا ہے
اسپین: لاکھوں کی شرکت سے ملک گیر ہڑتال
یورپی یونین کی اعلیٰ نمائندہ کایا کالاس نے روس کے مذاکراتی مطالبات کو ’’بے معنی‘‘ قرار دے دیا