رومانیہ کی وزارت دفاع نے کہا ہے کہ وہ فرانسیسی مسٹرال فضائی دفاعی نظام 626 ملین یورو (726 ملین ڈالر)  پرخریدے گی، جو کئی دیگر یورپی یونین ممالک کے ساتھ مشترکہ خریداری کے معاہدے کا حصہ ہے۔

وزارت نے کہا کہ اس نے منگل کے روز فرانسیسی وزارت دفاع کے ساتھ 231 مسٹرال مین پورٹیبل ایئر ڈیفنس سسٹمز (MANPADS) - جو میزائل بنانے والی کمپنی MBDA نے تیار کیے  اس کے ساتھ  934 میزائل خریدنے کے لیے معاہدہ کیا ہے، جس کے ساتھ تربیت، سمولیٹر اور لاجسٹکس بھی شامل ہیں۔

بیان میں یہ واضح نہیں کیا گیا کہ سامان کب فراہم کیا جائے گا۔

 رومانیہ کے قانون سازوں نے پہلی بار 2022 میں اس حصول کے منصوبے کی منظوری دی تھی۔

رومانیہ، جو یورپی یونین اور نیٹو کا ملک ہے، یوکرین کے ساتھ 650 کلومیٹر طویل زمینی سرحد شیئر کرتا ہے اور روس کی جانب سے ڈینیوب کے پار کیف کی بندرگاہوں پر حملے شروع کرنے کے بعد سے ڈرونز نے اس کی فضائی حدود  کی متعدد بار خلاف ورزی کی ہے

رومانیہ کے فضائی دفاع میں اس وقت F-16 لڑاکا طیارے، پیٹریاٹ سسٹمز، لاک ہیڈ مارٹن کے HIMARS راکٹ لانچرز، جنوبی کوریا کے قریبی سطح سے ہوا میں مار کرنے والے چیرون میزائل اور جرمن اینٹی ایئرکرافٹ گیپارڈ گنز شامل ہیں۔

ملک یوکرین کے ساتھ شراکت داری میں یورپی یونین کے نئے دفاعی فنڈنگ میکانزم کے تحت ڈرونز بنانے کا بھی ارادہ رکھتا ہے۔

رومانیہ اور امریکی دفاعی حکام نے کہا ہے  کہ رومانیہ امریکہ کی جانب سے فراہم کردہ نئے میروپس اینٹی ڈرون سسٹم کی تعیناتی کے آخری مراحل میں بھی ہے،