روسی حکام نے آج بروز جمعرات جاری کردہ بیان میں کہا ہے کہ روسی فوج نے رات بھر میں 113 یوکرینی ڈرون تباہ کئے ہیں۔ ان میں سے بعض نے شمال مغرب میں واقع ایک تیل ریفائنری کو نشانہ بنایا جس کے نتیجے میں ایک ڈپوٹینکر میں آگ لگی ہے۔
فریقین نے، چار سالہ جنگ کا کوئی حل تلاش کرنے کے لئے، بدھ کو جنیوا میں امریکہ کے زیرِ ثالثی منعقدہ 2 روزہ مذاکرات مکمل کئے ہیں۔
مذاکرات میں کسی پیش رفت کا اعلان نہیں کیا گیا اور دونوں فریقوں نے اجلاس کو 'مشکل' قرار دیا ہے۔
روس وزارتِ دفاع نے ایک بیان میں کہا ہے کہ بدھ اور جمعرات کی درمیانی رات میں روسی فوج نے 113 یوکرینی ڈرونوں کو ' تباہ' کیا ہے۔
علاقائی گورنر میخائل ویدرنیکوف نے کہا ہےکہ ڈرون حملوں میں سے ایک میں ماسکو سے تقریباً 500 کلومیٹر مغرب میں واقع علاقے 'ولیکیئے لوکی' کی ایک تیل ریفائنری کو نشانہ بنایا گیا جس سے 'ایک تیل کے ڈپومیں آگ' لگی۔
اس حملے سے عام شہریوں یا ریفائنری کے عملے کے زخمی ہونے کی کوئی اطلاع موصول نہیں ہوئی۔
یوکرین، جو چار سالوں سے تقریباً ہر روز روسی بمباری کا نشانہ بن رہا ہے، حالیہ دنوں میں تیل ریفائنریوں ، روسی بندرگاہوں اور توانائی کے انفراسٹرکچر پر جوابی حملے کر رہا ہے۔
